Որտե՞ղ է թաղված շան գլուխը

Երևանի ավագանու <<Մայր Հայաստան>> խմբակցության 1-2 շաբաթվա ուսումնասիրություններն այս ոլորտում բերել են այն համոզման, որ «Շան գլուխը թաղված է» հենց ոչ կոմպետենտ ու անարդյունավետ կառավարման մեջ. մասնավորապես՝ խնդիրների թերի ուսումնասիրվածության, անիրատեսական նախագծերի, տեխնիկական հսկողության անբավարար մակարդակի ու հաճախականության, ծագած ընթացիկ խնդիրները լուծելու համար անհրաժեշտ ճկունության պակասի, ի վերջո՝ վերահսկողության իսպառ բացակայության հետ:

Իսկ թե ի՞նչն է բերել նման համոզման, բերենք միայն մեկ համայնքի շրջանակում արձանագրված մի քանի փաստ.

1. Վերջին 7 տարիներին Շենգավիթ համայնքում գործող 22 մանկապարտեզներից վերանորոգվել կամ հիմնանորոգվել է ընդամեը 5-6-ը

2. Կապալառուների հետ պայմանագրերը կնքվել են 1-1,5 տարով, սակայն, լավագույն դեպքում, աշխատանքներն ավարտվել են 3-3,5, երբեմն՝ 4 տարում

3. 2021-2023թթ սկսված 3 մանկապարտեզի շինարարություն այդպես էլ չի հասել ավարտին, ավելին. դրանցից երկուսում /137,147/ շուրջ 2 տարի է՝ դադարեցված են աշխատանքները, իսկ երրորդի ավարտը, որ պետք է լիներ դեռ անցյալ տարի /140/, առայժմ հայտնի չէ

4. Մեկ մանկապարտեզի շինարարությունը փաստացի չավարտած՝ փակվում է հարակից մանկապարտեզը. երեխաները հապճեպ, կիսատ-պռատ, մի կերպ տեղավորվում են այլ մանկապարտեզներում, մնացածը ավելացնում են առկա հերթերը. օրինակ․ Հովհաննես Հովհաննիսյան փող., 2/2 հասցեում գործող թիվ140 մսուր-մաննկապարտեզը դեռ չի բացվել, հունիսի 1-ից արդեն փակված է Շիրակի 4-րդ նրբանցքի թիվ 142 մանկապարտեզը, Ռ․ Պատկանյան 20 հասցեում գործող թիվ137-ը դեռ փակ է անորոշ ժամանակով, իսկ հարակից թիվ133 մանկապարտեզը արդեն պատրաստվում է փակվելու…

5. Հիմնանորոգվող մանկապարտեզներում խմբերի քանակը կամ չի ավելանում, կամ լավագույնը՝ երկու խմբով է ավելանում /135/

6. Հիմնանորոգված որոշ մանկապարտեզներ արդեն ունեն և վաղուց բարձրաձայնում են այնպիսի խնդիրներ, որոնց պատճառով հնարավոր է կրկին կանգնեն կրկնավերանորոգման փաստի առաջ/143/

7. Հիմնանորոգված ու վերանորոգված մանկապարտեզները չունեն նկուղ և ապաստարան: