Իշխանության թվային աճպարարությունը Վաղարշապատում

Իշխանությունները պատրաստվում են Վաղարշապատ խոշորացված համայնքում նոյեմբերի 16-ին սպասվող ավագանու (համայնքի ղեկավարի) արտահերթ ընտրություններին: Պատրաստվում են յուրովի՝ «հեղափոխաբար»:

Նախ արհեստականորեն խոշորացրեցին Էջմիածինը՝ քաղաքին միացնելով Խոյ համայնքը: Դա արել են այն հույսով, որ Էջմիածնում իրենց ունեցած ցածր վարկանիշը կոմպենսացնեն Խոյի 17 գյուղերում իրենց ակնկալվող քվեներով: Հույսներն այն է, որ Կառավարության կողմից Էջմիածնում քաղաքապետի ԺՊ նշանակվածը Խոյից ձայներ կբերի:

Կառավարությունն այդքանով չի բավարարվել: Էջմիածինն ու Խոյը գումարել է իրար ու ավելի շատ ընտրողների քանակ է ստացել, քան 2021-ի ընտրությունների ժամանակ ունեցել են Էջմիածինն ու Խոյը:

2021 թվականի դեկտեմբերի 5-ի դրությամբ Վաղարշապատ և Խոյ համայնքերը միասին ունեցել են 64.883 ընտրող: 2025 թվականի օգոստոսի դրությամբ ընտրողների թիվը ավելացել է 5.573-ով, որն անհայտ է, թե ինչպես է ավելացել: Հիմա Էջմիածնում և Խոյում, ըստ նոր տվայլների, կա 70.342 ընտրող: Եվ դա այն դեպքում, երբ ըստ պաշտոնական տվյալների՝ այդ համայնքներում բնակչության թիվը 2021-ից հետո շարունակաբար նվազել է: Ստացվում է, որ բնակչությունը պակասում է, իսկ ընտրողներն՝ ավելանում:

Ոստիկանությունն ու Կենտրոնական ընտրական հանձնաժողովը պետք է պարզաբանումներ տան այս թեմայով:

Մեզ մոտ ողջամիտ կասկած է առաջանում, որ Նիկոլ Փաշինյանի ՔՊ-ն լրջորեն պատրաստվում է ընտրակեղծիքների: Բայց դե ամեն ինչ վաղարշապատցիների ձեռքերում է: Եթե մասնակցային ակտիվություն եղեվ, ապա ՔՊ-ն շանս չունի, ինչքան էլ որ կեղծեն:

Հարություն Խաչիկյանի ֆեյսբուքյան էջից