Ինչո՞ւ և ո՞ւմ է սպառնում Ալիևը նոր պատերազմով

«Մենք պետք է պատրաստ լինենք պատերազմի ցանկացած պահի։ Որովհետև աշխարհում գործընթացները զարգանում են այնպիսի ուղղությամբ, որ անհնար է իմանալ, թե վաղը ինչ կլինի։ Մեր անվտանգության երաշխավորը մենք ենք՝ պետությունը, ժողովուրդը և մեր զինված ուժերը», - օգոստոսի 21-ին հայտարարեց  Իլհամ  Ալիևը։

Նա նշեց, որ  Լեռնային Ղարաբաղի համար երկրորդ պատերազմից հետո  Ադրբեջանը «հազարով» մեծացրել է հատուկ նշանակության ուժերի թիվը։

Ադրբեջանը ստացել է  «ամենաժամանակակից» անօդաչու թռչող սարքեր, և պայմանագրեր կնքվեցին նաև «նոր մարտական ​​ինքնաթիռների համար, իսկ եղածները լիովին արդիականացվեցին», հիշեցրել է  Ալիևը։

Ուշագրավ է նաև այն, թե որտեղ է իր հայտարարությունն արել Ալիևը: Նա  խոսեց Քելբաջարի բնակելի համալիրներից մեկըտեղափոխված մարդկանց հետ։ Քելբաջարը (Քարվաճառ) լեռնային շրջան է Ադրբեջանի արևմուտքում, որը գտնվում է Լեռնային Ղարաբաղի և Հայաստանի միջև։

Ինչը նույնպես բացատրում է,թե ում էր, առաջին հերթին ուղղված իր խոսքը:

Հայաստանում շատերնԱլիևի սպառնալիքները դիտարկեցին որպես քայլ՝ուղղված Ռուսաստանի դեմ: Քանի որ վերջին ժամանակներս հենց այդ երկրի հետ ենլարված Ադրբեջանի հարաբերությունները:

Սակայն միջազգային դիտորդները այլ կարծիքի են: Ըստ նրանց, ԱդրբեջանըՌուսաստանի հետ չունի ֆունդամենտալ հակասություններ՝տարածքային, կամ գաղափարական: Բացի այդ, Ալիևը շատ լավ հասկանում է, որ Ադրբեջանը չի կարող դիմակայել Մոսկվային, այն էլ՝ռազմական մակարդակով:

Սակայն Ալիևին  այս խոսույթը անհրաժեշտ է, որպեսզի ստանա լայն աջակցություն Արևմուտքի կողմից:

Իսկ Արևմուտքն այսօր պատրաստ է ցանկացածին տալ օժանդակություն, եթե կա հակադրություն Մոսկվայի հետ:

Իր հերթին, Ալիևը հույս ունի նաև ստանալ ռազմական մեծ աջակցություն Իսրայելի կողմից: Վերջինս հույս ունի, որ հզորացած Ադրբեջանը ավելի ռիսկով կգործի Իրանի դեմ:

Սակայն Ալիևը հասկանում է նաև, որ Իրանի հետ էլ չի կարող մրցել ռազմական մասով:

Այսինքն, Ալիևը սպառնում է պատերազմով, սակայն չի նշում հակառակորդի անունը, որպեսզի շարունակի ստանալ աջակցություն, և Արևմուտքից, և Իսրայելից:

Սակայն նա լավ հասկանում է, որ իր հակառակորդներից ամենաթույլ օղակը Հայաստանն է,և վախեցնելով կկարողանա հասնել Փաշինյանից անվերջ զիջումների:

Հենց դրա պատճառով էլ,նա անհասցե է թողել իր սպառնալիքը, որպեսզի կարողանա հասնել իր նպատակին:

Իսկ ինչ վերաբերվում է հայ հանրությանը, ապա այստեղ մարդկանց ոչ ոք չի բացատրում սպասվող վտանգները, քանզի քաղաքական շրջանակներին դա քիչ է հետաքրքրում.սպասվող ընտրություններից առաջ նրանց ավելի շատ հետաքրքիր է, թե ապագա ԱԺ-ում նրանք քանի տեղ կունենան:

Սա է իրականությունը:

Արտակ Հակոբյան
Zham.am