Զարուհի Փոստանջյանի հայտարարությունն իր պաշտպանյալի գործի վերաբերյալ
Փաստաբան Զարուհի Փոստանջյանը գրում է. «Երկուշաբթի օրը` 2025 թվականի օգոստոսի 25-ին, ժամը 17:00-ին, Երևան քաղաքի առաջին ատյանի ընդհանուր իրավասության քրեական դատարանի Շենգավիթ նստավայորւմ (հասցե` Երևան, Արշակունյաց պողոտա 24/1) տեղի է ունենալու դատական նիստ, որի ժամանակ քննարկվելու է Ստեփան Սամվելյանին կալանքից ազատելու միջնորդությունը:
Տեղեկացնում եմ, որ Ստեփան Սամվելյանը, 2025 թվականի հուլիսի 21-ից հանիրավի գտնվում է կալանքի տակ, որից գրեթե ամբողջ մասը անցկացրել է հիվանդանոցներում, որի ընթացքում նրան երկու անգամ վիրահատել են: Այժմ նա կրկին կարիք ունի վիրահատական միջամտության, որը պետք է կատարվի ՀՀ առողջապահության նախարարի համապատասխան հանձնարարության հիման վրա, սակայն այն մերժվել է:
Հիշեցնեմ, որ Ստեփան Սանվելյանը մեղադրվում է մի բանի համար, որը ոչ միայն չի եղել, այլ նայև այն չէր կարող տեղի ունենալ Ստեփան Սամվելյանի կողմից այն ֆիզիկապես կատարելու հնարավորություն չունենալու պատճառով: Նրան առաջադրվել է մեղադրանք, որ իբրև նա 2025 թվականի հուլիս ամսին նախապատրաստել է Արամ Զավենի Սարգսյանի սպանությունը, որի համար ձեռք է բերել ռազմամթերք` նռնակը:
Պարզաբանում եմ և կրկին պնդում, որ Ստեփան Սամվելյանի նկատմամբ իրականացվող քրեական հետապնդումը չի պահպանել ՀՀ Սահմանադրությամբ, Մարդու իրավունքների և հիմնարար ազատություն եվրոպական կոնվենցիայով երաշխավորված հիմնարար իրավուքների երաշխիքները: Հայաստանի Հանրապետությունը ի դեմս` ՀՀ ԱԱԾ-ի, ՀՀ քննչական կոմիտեի, ՀՀ դատախազության, ՀՀ արդարադատության նախարարության, ՀՀ առողջապահության նախարարության և դատավոր` Ժորա Չիչոյանի խախտել են Ստեփան Սամվելյանի հիմնարար իրավունքները: Այս խախտումները ունեցել են լուրջ ազդեցություն Ստեփան Սամվելյանի առողջական վիճակի վրա: Այժմ` Ստեփան Սամվելյանին բուժելու փոխարեն նրան պահում են մի հաստատությունում, որ կոչվում է «Դատապարտյալների հիվանդանոց» և որը ենթակա է ՀՀ կառավարության որոշման համաձայն փակման, քանի որ այն հակասում է բժշկական օգնության և սպասարկման ոլորտում ընդունված ստանդարտներին»:
Ստեփան Սամվելյանի պաշտպան` Զարուհի Փոստանջյան
23 օգոստոս, 2025 թվական
Հետևեք մեզ Facebook-ում