ԱԺ-ն երկրորդ ընթեցմամբ և ամբողջությամբ քննարկում է Հարկային օրենսգրքի փոփոխությունների մասին նախագիծը (ուղիղ)

Հայաստանի Հանրապետության Ազգային ժողովը հերթական նիստերի քառօրյան այսօր կավարտի՝ քննարկման ներկայացնելով «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին» օրենքի նախագիծը երկրորդ ընթեցմամբ և ամբողջությամբ: Իսկ մինչ այդ քվեարկության կդրվեն նախորդ օրը քննարկված նախագծերը:

Հերթական նիստերի ավարտից անմիջապես հետո կառավարության նախաձեռնությամբ կմեկնարկի Հայաստանի Հանրապետության Ազգային ժողովի արտահերթ նիստը:

Արտահերթ նիստի օրակարգում են թվով 7 նախագծեր՝ «Ներման մասին», «Հանրային խորհրդի մասին», Անվտանգության խորհրդի կազմավորման և գործունեության մասին» և այլն:

ԱԺ–ն նաև ընդունել էր ««Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության օրենքում փոփոխություններ կատարելու մասին» օրենքի նախագիծը՝ 88 կողմ, 9 դեմ քվեարկությամբ, ««Էներգետիկայի մասին» Հայաստանի Հանրապետության օրենքում փոփոխություններ և լրացումներ կատարելու մասին» օրենքի նախագիծն ամբողջությամբ ընդունվեց 90 կողմ, 9 դեմ քվեարկությամբ, ինչպես նաև ««Շահումով խաղերի, ինտերնետ շահումով խաղերի և խաղատների մասին» Հայաստանի Հանրապետության օրենքում փոփոխություն և լրացումներ կատարելու մասին» օրինագիծը, որն ընդունվեց միաձայն՝ 98 կողմ: