Երկրպագուները տոմս գնել չեն կարողանում, կայքը խափանված է, իսկ ՀՀՖ-ն հայտնում է՝ հազարավոր տոմսերի վաճառքի մասին

Ֆուտբոլի երկրպագուները տևական ժամանակ չեն կարողանում ՀՖՖ հրապարակած կայքի միջոցով ձեռք բերել Հայաստան-Պորտուգալիա հանդիպման տոմսերը։ Այս պահին կայքը խափանված է։

«Տոմսերի վաճառքի մեկնարկի մասին ՀՖՖ հրապարակումից անմիջապես հետո մտել եմ տրված հղումով։ Ոչ մի կերպ մինչև այս պահը չի ստացվում տոմս գնել»,-ասում է երկրպագուներից մեկը։

Տոմսերի անհասանելիության մասին սոցէջերում բազմաթիվ դժգոհություններ ու բողոքներ կան.

Ի պատասխան ՀՖՖ-ն քիչ առաջ արձագանքել է.

«Հարգելի՛ երկրպագուներ

Այս պահին վաճառվել է Հայաստան-Պորտուգալիա հանդիպման 2500 տոմս: https://tickets.ffa.am/ կայքում դեռ կատարվում են աշխատանքներ, որոնց ավարտից հետո կրկին հնարավոր կլինի գնել տոմսեր: Հայցում ենք ձեր ներողամտությունը»։

Այս գրառումն ավելի է բարկացրել ֆուտբոլասերներին.

«Ամոթ ա, մի հատ ինտերնետային կայք չեք կարում կառավարել, էսքան անպատասխանատու ու անլո՞ւրջ»։

«Բայց ինչքան անլուրջ եք Դուք Ձեր կառույցով հանդերձ։ Երկրում չեք թողել գեթ մի ոլորտ, որը լուրջ և ճիշտ աշխատանք է կատարում, ամեն բան անլուրջ և կեղծիքի վրա է դրված»։

«Լավ գոնե 4 տոմս գնելու հնարավորությունը չհանեիք, ու կայքը նորմալ սպասարկեք, մարդիկ 1977 թվին վոյաջեռը ուղարկել են տիեզերք մինչև հիմա աշխատում ա, իսկ ձեր կայքը չի աշխատում, ամոթ ա, ու ամեն վատն են ա, որ ոչ մեկ պատասխան չի տալու սրա համար, հետո էլ ուզում եք ֆուտբելը զարգանա, ոնց եթե նման տարական բաները չեք կարողանում ապահովել»։

«Որ չենք կարողանում մուտք գործել, ո՞նց ա այդքան տոմս վաճառվել, և հետո օրինակ եթե մարդը քարտ չունի կամ հարկադիր ա և ուզում ա տոմս գնի՝ կասեք ոնց անի,որ միայն առցանց եք վաճառում»։

«Մի հատ կայք չեք կարողանում աշխատացնել, հայկական ֆուտբոլը ոնց պիտի կառավարեք»։

Աղբյուրը` Panorama.am