Ակնհայտորեն քաղաքական գործ է. ժողովրդավարական հասարակությունում դա չլսված բան է. միջազգային իրավապաշտպանը՝ Սամվել Կարապետյանի դեմ դատական գործի մասին
Ես, որպես միջազգային փաստաբան, այն դիրքորոշմամբ եմ հանդես գալիս, որ Սամվել Կարապետյանի գործն ակնհայտորեն քաղաքական գործ է և, որ ցանկացած դատավարությունը, որը տեղի է ունենում, փորձիցս ելնելով կարող եմ ասել, համեմատելի է շոու-դատավարության՝ ներկայացման հետ: Այս մասին ասուլիսի ժամանակ ասել է Միջազգային իրավապաշտպան Ռոբերտ Ամստերդամը:
«Մեղադրանքն, ըստ երևույթին, հարուցվել է՝ հիմնվելով օգտագործված բառերի սխալ մեկանաբանության վրա: Այն փաստը, որ սա չի շտկվել, և այդ անձնավորությունը (Սամվել Կարապետյանը) ազատ չի արձակվել՝ ինքնին ցնցող է»,-նշել է Ռոբերտ Ամստերդամը:
Նա հավելել է, որ Վարչապետը ճիշտ չի լսել Կարապետյանի արտաբերած բառերը, այնուհետև ասել է բառեր, որոնք և՛ սպառնացող են, և՛ վիրավորական, որոնցից էլ, ըստ միջազգային իրավապաշտպանի, բխում է, որ վարչապետն իշխանական ողջ լծակները գործադրելու է Կարապետյանի դեմ:
«Ազատ, ժողովրդավարական հասարակությունում դա չլսված բան է», - ընդգծել է Ռոբերտ Ամստերդամը:
Աղբյուր՝ Tert.am
Աղբյուր՝ Tert.am
Հետևեք մեզ Facebook-ում