Հարավային Կովկասի ոչ մի երկիր երբեք ՆԱՏՕ-ի անդամ չի դառնա. Ջեֆրի Սաքս

Հարավային Կովկասի համար ռազմավարությունն այն է, որ այն կայուն, անվտանգ և հյուսիսն ու հարավը և արևելքն ու արևմուտքն իրար կապող խաղաղ միջանցք լինի, ինչպես նաև բոլոր տեսակի արդյունաբերությունների, առաջադեմ տեխնոլոգիաների, գյուղատնտեսության, զբոսաշրջության և արտադրության զարգացման համար հիանալի վայր։ Դա ապագան է։ Հարցն այն է, թե ինչպես հասնել այդ ապագային։ Նման միտք է հայտնել ամերիկացի տնտեսագետ և պետական քաղաքականության ոլորտի վերլուծաբան, պրոֆեսոր Ջեֆրի Սաքսը։

«Եվ դա հիմնված չէ ՆԱՏՕ-ի վրա։ Իսկ որպեսզի Հարավային Կովկասում բոլորի համար պարզ լինի. Հարավային Կովկասի ոչ մի երկիր երբեք չի դառնա ՆԱՏՕ-ի անդամ։ Որովհետև մինչև դա տեղի ունենա, Հարավային Կովկասում պատերազմ կբռնկվի։ Ռուսաստանը նման բան երբեք թույլ չի տա։

Ռուսաստանը մտադիր չէ Հարավային Կովկաս ներխուժել, եթե Միացյալ Նահանգները դա չհրահրի։ Ինչո՞ւ։ Որովհետև այս տարածաշրջանում բազմաթիվ կարևոր տարածաշրջանային տերություններ կան։ Թուրքիայի սրտով չի լինի ռուսական ներխուժումը։ Իրանի սրտով չի լինի ռուսական ներխուժումը։

Ռուսաստանը կցանկանար, որ Հարավային Կովկասը այս տերությունների միջև յուրահատուկ անվտանգության գոտի դառնար։ Կայունության նկատմամբ խոր հետաքրքրություն կա։ Եվ Չինաստանը, ի դեպ, ևս խիստ հետաքրքրված է Հարավային Կովկասի կայունությամբ, քանի որ այն Արևելք-Արևմուտք հաղորդակցության հիմնական միջանցք է, որը, ինչպես բոլորը հասկանում են, Չինաստանի գլխավոր նպատակն է։

Բոլորը Հարավային Կովկասում կայունություն են ցանկանում, բացի, թերևս, Բրյուսելից և Միացյալ Նահանգներից»,- ընդգծել է պրոֆեսոր Սաքսը։