Ալիեւը խոսում էր վարժ ու առանց թղթի, Փաշինյանը՝ խայտառակ առոգանությամբ ու կարդալով

Երևանի ավագանու «Մայր Հայաստան» խմբակցության ղեկավար Մանուկ Սուքիասյանը նկատում է. «Վաշինգտոնյան սիմվոլիկաների մասին

1. Թրամփ - Փաշինյան երկկողմ փաստաթղթի ստորագրումն արարողակարգային խայտառակություն էր. Թրամփը նստել էր Օվալաձեւ աշխատասենյակի աշխատանքային սեղանի շուրջ, Նիկոլը՝ կողքի տաբուրետկայի վրա։ 4 հայ «Գիքոր» էլ կանգնել էր հետեւի ֆոնին, որ նկարվեին, ամերիկացի չկար։

2. Թրամփը խոսելիս թեքվում էր հիմնականում դեպի Ալիեւը։

3. Ալիեւը խոսում էր վարժ ու առանց թղթի, Փաշինյանը՝ խայտառակ առոգանությամբ ու կարդալով։

4. Ալիեւը հայր Հեյդարի շողոքորթության շկոլան լավ է յուրացրել։ Նիկոլը գեղջուկ էր։

5. Նոբելյանի մասին առաջինը խոսեց Փաշինյանը, բայց Ալիեւը թեման ձեռքից տարավ։

6. Արցախահայերի վերադարձի մասին հարցից Փաշինյանը սկսեց անհանգիստ շարժումներ անել, դեմքը լարվեց ու նետվեց առաջինը պատասխանել հարցին՝ ոչինչ չասելով արցախահայերի մասին, դրանով իսկ «հանգստացնելով» Ալիեւին ու Թրամփին։

Դետալները շատ բան, երբեմն էլ՝ ամեն ինչ են կանխորոշում։