Կոտայքի ու Կապանի մշակույթի կենտրոնները կլուծարվեն

Կառավարությունն իր այսօրվա՝ օգոստոսի 7-ի նիստում որոշեց լուծարել «Կոտայքի մշակութային կենտրոն» և «Կապանի մշակությանին կենտրոն» պետական ոչ առևտրային կազմակերպությունները։

«Նախարարության 2025թ.-ի բյուջեում գումարներ չնախատեսվելու՝ 2025թ.-ի բյուջետային հայտում ֆինանսավորում չպլանավորելու հետևանքով կազմակերպությունների մշակութային գործունեությունը ֆինանսավորելու հնարավորության բացակայության հետևանքով նպատակահարմար է գտնվել լուծարել կազմակերպությունները:

Նախարարության գրության համաձայն՝ 2025 թվականի պետական բյուջեում ֆինանսավորում չնախատեսվելու հանգամանքը բխում է ՀՀ ԿԳՄՍ նախարարության կողմից անցկացված մոնիթորինգի արդյունքներից, որոնք ցույց են տվել, որ կազմակերպությունների կողմից իրականացված մշակութային ծրագրերի որակը բավարար չի եղել Հրազդան և Կապան համայնքների մշակութային կյանքի աշխուժացման և գեղագիտական նոր ճաշակի ու որակի ապահովման համար»,– ասված է որոշման հիմնավորման մեջ:

Մեր կողմից նկատենք, որ ՔՊ-ի ապագան բավականին արդար բան է, այն առաջին հերթին վրա է հասնում նրանց, ովքեր «քաղաքականությամբ չեն զբաղվում» ու ամեն կերպ ձգտում են Փաշինյանի ու նրա կնոջ «աչքը մտնել»: 
Սկզբունքորեն,  ՔՊ կառավարությունը հանգիստ կարող է լուծարել բոլոր «մշակութային կենտրոնները», բոլոր գրադարանները, բոլոր թանգարանները, թատրոնները և այդպես շարունակ: Հետո՝ դպրոցները: Իսկապես, եթե դրված է Հայաստանի Հանրապետությունը լուծարելու խնդիր, ո՞ւմ են պետք բոլոր այդ կենտրոնները: Էն է՝  Աննա Հակոբյանի «Կրթվելը նորաձևը» կա, էնտեղ էլ կկրթվեն: Այդքանը լրիվ բավարար է: