Հերի՛ք է «տուն-տունիկ» խաղաք, Ժամանակն է՝ հասունանալ և գործել որպես հասուն քաղաքական դեմքեր

Լրագրող Արմեն Հակոբյանը ֆեյսբուքյան իր էջում գրում է. «Եթե քաղաքական հայտ ես ներկայացնում, ապա մեծ վրիպում է՝ մեկնարկել մյուսների հետ թշնամանալով: Եթե չասվի, որ կոպիտ սխալ է:

Ու ընդհանրապես, որոշումներ կայացնող բոլոր ընդդիմադիր ուժերի լիդերների համար ժամանակն է խորությամբ հասկանալ, որ այն ամենը, ինչ ունեն. հասարակական կամ քաղաքական ստատուս, դիրք, որոշակի ունեցվածք և այլն, ունեն գերազանցապես այն բանի շնորհիվ, որ կա Հայաստանը, կա հայ ժողովուրդը, Հայաստանի ժողովուրդը:

Ու դա ընկալելով՝ արժե գալ այն գիտակցությանը, որ չվճարած պարտք ունեք Հայաստանին ու հայ ժողովրդին: Ուստի՝ կատարեք ձեր պարտքը սեփական ժողովրդի առաջ:

Հա, ու հիշեք, որ ձեր հանդեպ նաև դրսերում կա որոշ հետաքրքրություն, քանի որ կան ու քանի դեռ կան Հայաստանն ու հայ ժողովուրդը: