Հայաստանի դրածո վարչապետը վախենում է ընդդիմախոսներից, վախենում է բոլոր նրանցից, ովքեր պատռում են փարիսեցու իր կեղծ դիմակը. Աննա Կոստանյան

«Նկարներում պատկերված հայերը քաղաքական բանտարկյալներ են. 2021-ից ի վեր, հազարավոր մեր հայրենակիցների հետ փողոցներում պայքար էին տանում հայրենիքի վերջին կտորների համար, մինչ շատերը հանգիստ նստած էին իրենց փափուկ ու հարմարավետ բազմոցներին և դատում կամ քննադատում էին պայքարի ճիշտ ու սխալ քայլերը»,-ԱԺ նախկին պատգամավոր Աննա Կոստանյանը։

Նա շարունակում է.

«Այսօր նրանք հետապնդվում և ազատազրկվում են, քանի որ Հայաստանի դրածո վարչապետը վախենում է ընդդիմախոսներից, վախենում է բոլոր նրանցից, ովքեր պատռում են փարիսեցու իր կեղծ դիմակը, հանրության առաջ բացահայտում իր բոլոր ստերը: Օտարերկրյա ուղղորդման տակ գտնվողը, ժողովրդավարության կեղծ քողի ներքո, քաղաքական դաշտից մաքրում է բոլոր հնարավոր դերակատարներին, որ պոտենցիալ վտանգ են ներկայացնում իր` իշխանությունը պահելու հարցում: Սա գործում է բացարձակապես Ադրբեջանի իր սիրելի բռնապետի ուղղորդմամբ և ցուցումներով, կարծես քույր քաղաքներ լինեն`մեկը բնօրինակը, մյուսը` դրա կեղծ ու անհաջող կրկնօրինակը, մի տարբերությամբ, որ Բաքվի բռնապետն իր կնոջը փոխնախագահ է կարգել, իսկ դրա հայաստանյան անհաջողակ կեղծօրինակը` 2026-ի իր նախընտրական շտաբի պետ, քարոզարշավն էլ անվանել ԿՐԹԱՐՇԱՎ:

Ներքևում պատկերված մարդիկ Հայաստանի հայկական մնալու, հայրենիքը չկորցնելու բարդ առաքելությունը ստանձնած դեսպաններն են, ովքեր չեն հրաժարվում հայրենիքի ոչ մի մասից` նաև Արցախից: Նրանց մասին պետք է անդադար խոսել, տեղեկացնել ու իրազեկել հանրությանը, նաև հասցնել միջազգային կազմակերպություններն, քանի որ նրաբց փոխարեն կարող է լինել մեզանից յուրաքանչյուրը։ Իհարկե միամտություն կլինի կարծել, թե միջազգային որևէ կառույցի արձագանք, դատապարտում, որոշում կամ վճիռ ազդեցություն կարող է ունենալ այս ժամանակավոր իշխանավորների վրա, բայց գոնե զուտ փաստագրման համար պետք է անել. մի օր այս բոլոր անօրինությունները, ինքնաիրավչությունը, հակապետական հանցագործությունները թույլ տված հակահայերը կանգնելու են համազգային դատաստանի առաջ` կրելու ՀՀ Սահմանադրությամբ և բոլոր օրենքներով սահմանված պատիժ»։