Ալիևն ու Փաշինյանը գործում են Հայաստանի, Ռուսաստանի և Իրանի դեմ. Անդրանիկ Թևանյան (տեսանյութ)

«Մայր Հայաստան» շարժման առաջնորդ Անդրանիկ Թևանյանի հարցազրույցը News.am-ին:

Ամենավատն այն, է, որ հիմնականում Նիկոլ Փաշինյանն է օրակարգ թելադրում, պետք է այնպես անել, որպեսզի ընդդիմադիր հատվածն ինքը օրակարգը պարտադրի։ Այս մասին  NEWS.am–ի հետ զրույցում նշեց «Մայր Հայաստան» դաշինքի ղեկավար Անդրանիկ Թևանյանը։

«Եթե մենք հակառակ օրակարգերը պարտադրենք, հաստատ ավելի արդյունավետ կլինի պայքարը։  Օրինակ, երբ ինքը խոսում է եկեղեցու մասին, կամ եկեղեցականների գոտկատեղից ներքև հարվածներ է տալիս, սկսում ուսումնասիրել, դրան պետք է հակադրել հարցարդումով՝ իսկ ո՞ւմ հաշվին է ապրում քո ընկերուհին։ Հիմա ինքը սկսել է պատասխանել,  ասում է՝ մենք իրար հետ չենք ամուսնացել, որովհետև 90-ականներից կարող էին մեզանից խլել ինչ–որ բաներ։ Նախ, 90-ականներին ինքը նյութական առումով համարյա բոմժի կարգավիճակ ուներ, իրանից բան չէին խլի, երկրորդը 90-ականների իշխանության՝ առաջին նախագահի շրջապատի հետ ինքը ամենասերտ կապերն ուներ, հետո արդեն դարձավ քննադատ։ Այդ տարիներին հայտնի հայ օլիգարխները, ըստ օդում կախված լուրերի, ֆինանսավորում էին իշխանության X շրջանակի ցուցումով և դրա շրջանակներում էր, որ ինքը կենտրոնում հսկայական գրասենյակային տարածք ուներ, բնակարանի տեր դարձավ։

Երկրորդը, իրեն պետք է ասել՝ լավ, եթե դու վախեցել ես, թե իբր քո ունեցվածքը կտանեն, դրա համար թղթով չես ամուսնացել, բայց եթե դու հայ առաքելական եկեղեցու հետևորդ ես, պետք է եկեղեցով ամուսնանայիր։ Այդ դեպքում հաստատ գույքային խնդիր չէր առաջանալու, եթե ձեր հետևից ընկնեին։ Կամ Նիկոլ Փաշինյանի հետևից ինչու պետք է ընկնեին, եթե ինքը շատ նորմալ, պարտաճանաչ հաճախորդություն էր անում բոլոր իշխանությունների օրոք»,– ասաց նա՝ նկատելով, որ Փաշինյանը պետք է հիմա բացատրի, թե պետական բյուջեի միջոցները ի՞նչ կարգավիճակով է մսխում Աննա Հակոբյանը»։