Նիկոլ Փաշինյանին ուղղված ի՞նչ մեսիջով էին փորձում հանդես գալ ամերիկացիներնիրենց հարցումներով

Օրեր առաջ ամերիկյան Միջազգային հանրապետական ինստիտուտը  (IRI), հանդես եկավ իրենց կողմից անցկացված հարցման արդյունքներով, որը հետաքրքիր պատկեր էր ներկայացնում:

Այն,որ նման հարցումները բացառապես քաղաքական նպատակ են հետապնդում, հայտնի է բոլորին:

Այն,որ այդ հարցումների օբյեկտիվությանը չի կարելի հավատալ, նույնպես գիտեն բոլորը:

Նման հարցումների հրապարակումը հետաքրքիր է այլ տեսանկյունից, մասնավորապես, թե հարցում անցկացնող կենտրոնն ինչ մեսիջով է փորձում հանդես գալ:

Քանի որ հարցումն անցկացնողը ամերիկյան հայտնի այս կենտրոնն էր, ապա այն պետք է դիտարկել այն տեսանկյունից, թե ինչ մեսիջով  են ուզում հանդես գալ ամերիկացիները:

Թեև այս կենտրոնը պատկանում է ամերիկյան հանրապետական կուսակցությանը, բոլորին է հայտնի, որ մեր տիպի տարածաշրջաններում ամերիկացիները միասնական տարամաբանությամբ են հանդես գալիս:

Այսինքն, թե՛ դեմոկրատները,և թե՛ հանրապետականները աշխարհաքաղաքական հարցերում գրեթե միասնական մոտեցումով են հանդես գալիս, ինչնարձանագրվել է Վրաստանում, Ուկրաինայում, Մոլդովայում և այլ երկրներում:

Այսպիսով, IRI-ի հարցամն արդյունքները պիտի դիտարել բացառապես հենց այդ տեսանկյունից:

Եվ այսպես,փորձենք հասկանալ, թե ինչ թվերով է հանդես եկել այս կենտրոնը և ինչ մեսիջով:

Ըստ այդ հարցման՝Փաշինյանի վստահության ցուցանիշը իջել է 13 տոկոսի չափ: Մոտավորապես  նման ցուցանիշ   արձանագրում են նաև այլ կենտրոնները:

Սակայն հետաքրքիր է, որ ըստ այս հարցման, վարկանիշով երկրորդ տեղում է... Արարատ Միրզոյանը իր 5 տոկոսանոց ցուցանիշով:

Այն,որ այս գործչին չի ճանաչում մեր քաղաքացիների ավելի քան 50 տոկոսը, գիտեն բոլոր իրական փորձագետները:

Իսկ բնակչության մյուս մասը, որիրեն ճանաչում է, նրան դիտարկում են որպես շարքային ուսապարկ:

Ավելին, նույնիսկ ՔՊ-ական միջավայրում Արարատ Միրզոյանը այդ 5 տոկոսը չէր հավաքի:

Ինչո՞ւ են ամերիկացիները Միրզոյանին խաղի մեջ մտցրել, հավանաբար,ցույց տալով, որ Փաշինյանից հետո, հենց իրեն են դիտարկում, որպես «պահեստային անվադող»:

Իսկ թե ինչու, այլ խոսակցության թեմա է:

Մնացած գործիչների վարկանիշների մասին նույնիսկ իմաստ չունի խոսել, քանի որ ամերիկացիների ծրագրերում չի եղել նրանց տալ լուրջ վարկանիշ:

Փոխարենը,Եկեղեցու վարկանիշը ցուցադրելով, ամերիկացիները կարծես փորձում են հասկացնել Փաշինյանին, որ նա չպետք է ռիսկի գնա ու բաց հակադրվի եկեղեցու հետ:

Ամերիկացիները ոչ թե հարգանքով են լցված եկեղեցու նկատմամբ, այլ մտավախություն ունեն, որ Փաշինյանն իր քայլերով կարող է բումերանգի էֆեկտով հարված ստանալ, իսկ հատկապես այս պահին, երբ Փաշինյանը պիտի ամերիկացիներին «նվեր»  տարամադրի «Զանգեզուր միջանցքի»  տեսքով,  նրա ժամանակից   շուտ գահավիժումը չի մտնում իրենց ծրագրերի մեջ:

Հավանաբար, կուլիսներում ամերիկացիները փորձում են բացատրել Փաշինյանին, որ նա հեռու մնա եկեղեցուց, սակայն վերջինիս վրա այս հարցում, ճնշում են թուրքերն ու ադրբեջանցիները:

Իսկ վերջիններիս պահանջները պակաս կարևոր չեն Փաշինյանի համար:

Ահա թե ինչու ամերիկացիները որոշեցին այս հարցման հրապարակման ձևով ներազդել Փաշինյանի վրա:

Մենք հարցման այլ ցուցանիշները չենք քննարկում, քանի որ համոզված ենք՝դա իմաստ չունի:

Քանզի նման հարցումները իրական արժեքը տեսել ենք Վրաստանում, Մոլդովայում, նույնիսկ անցած տարվա ամերիկյան ընտրություններում:

Այնպես որ, այս հարցման գլխավոր թվերը երեքն էին.Փաշինյանի իջածցուցանիշը, Միրզոյանին խաղի մեջ մտցնելը և եկեղեցու վարկանիշը, որըպիտի հետ պահի Փաշինյանին արկածախնդրությունից:

Մնացած թվերը ցանկացած կառույց կարող է ստանալ, իրենց  ուզած  շրջապատում «հարցում»  անցկացնելով, որպեսզի դրանով փորձի ազդել հանրության միամիտ հատվածի վրա:

Սա է իրականությունը:

Դավիթ Մկրտչյան
Zham.am