Բիթկոյնի կուրսը գահավիժում է

Վերջին օրերին կրիպտոտարադրամների կտրուկ անկում արձանագրվեց: Մասնավորապես, դրանցից ամենահանրահայտիի՝ բիթկոյնի կուրսը այսօր հասել է 6000 դոլարի սահմաններին: Reuters գործակալության շուկայական վերլուծաբան Մայքլ Իքելզի կարծիքով այն կարող է իջնել նաև 5000 դոլարի շեմից էլ ներքև:

Հիշեցնենք, որ անցյալ տարվա նոյեմբերի վերջին, դեկտեմբերի սկզբին 1 բիթկոյնի արժեքը հասել էր 20 000 դոլարի: 

Անկում են ապրում նաև մյուս կրիպտոտարադրամները: Էթերիումի գինն օրինակ անկում է ապրել ավելի քան 30 տոկոսով, րիփլեյի գինը՝ 26 տոկոսով, բիթկոյն քեշի գինը՝ 29 տոկոսով:

Այսօր աշխարհում կրիպտոարժույթների շուկայի ողջ կապիտալիզացիան 900 միլիարդ դոլարից իջել է 250-ի: Ողջ շուկայի 37 տոկոսը զբաղեցնում է բիթկոյնը: 

Ֆինանսական վերլուծաբանների կարծիքով կրիպտոտարադրամների կուրսի անկումը պայմանավորված է այն հանգամանքով, որ Հարավային Կորեայում վերջին ժամանակներս խստացրել են այս տարադրամով առևտուրը, բացի այդ նույն ճանապարհով են գնում Չինաստանն ու Հնդկաստանը: Հասկանալով, որ կրիպտոտարադրամները լուրջ մրցակից են խոշոր բանկերի համար, բանկերը նույնպես հրաժարվել են բիթկոյնով առևտրից, որոնց շարքում են այնպիսի խոշոր կազմակերպություններ, ինչպիսիք են J.P. Morgan, Bank of America, City Group, Lloyds Banking Group, Virgin Money և այլն:

Zham.am