«Կորյունի 14-ի նորակառույցի նախագծի շուրջ լուրջ մտահոգություններ կան»․ «Մայր Հայաստան»

«Մայր Հայաստան» խմբակցությունը հայտնում է․

«Երևանի Կորյունի փողոց 14 հասցեում նորակառույցի նախագծի շուրջ լուրջ մտահոգություններ կան։ «Լեռնամետալուրգիայի ինստիտուտը» նախատեսում է Կորյուն փողոց 14 հասցեում կառուցել բազմաֆունկցիոնալ համալիր, որի շրջանակներում քանդվելու են ներկայումս գոյություն ունեցող մի քանի շինությունները։

Նոր համալիրի նախագծով նախատեսված է 3 ստորգետնյա ավտոկայանատեղի, 1 կիսանկուղային և 11 վերգետնյա հարկ։ ՇՄԱԳ առաջին լսման ընթացքում «Մայր Հայաստան» խմբակցության անդամները բարձրաձայնեցին մի շարք հիմնավորված մտահոգություններ, այդ թվում՝ Սեյսմիկ անվտանգության ռիսկերը, Քաղաքի կառուցապատման չափից դուրս խտացումը, Երևանի դիմագծի ու կոլորիտի փոփոխումը, Կոյուղատարի և խմելու ջրի համակարգերի հնարավոր ծանրաբեռնվածությունը, Կանաչ տարածքների կորստի վտանգը, Մոտակա շենքերի բնական լուսավորության փակումը։ Այս և այլ խնդիրները հնարավորինս լուծված ներկայացվելու են նախագծի ՇՄԱԳ երկրորդ և երրորդ լսումների ժամանակ։

«Մայր Հայաստան» խմբակցությունը հետևողական է լինելու, որպեսզի երևանցու շահը դիտվի առաջնահերթություն»։