Թուրքիան ու Ադրբեջանն՝ ընդդեմ Եկեղեցու․ Թրամփի դեմքով ծածկում են Ալիևի ու Էրդողանի բեղերը. Անդրանիկ Թևանյան

«Մայր Հայաստան» շարժման առաջնորդ Անդրանիկ Թևանյանը գրում է. «Ինչո՞ւ են Ալիևն ու Էրդողանը հարձակվել Հայ Առաքելական Եկեղեցու դեմ։ Պատճառը շատ պարզ է։ Դա հայկական այն եզակի ինստիտուտներից է, որը Նիկոլ Փաշինյանը չի կարողացել կամ չի հասցրել փլուզել։

Բանակը քանդեց, Արցախը հանձնեց, ԱԱԾ–ն դարձրեց սատանա բռնող ու «կռտեց», ոստիկանությունը վերածեց անձնական օգտագործման զորքի, դատախազությունը հասցրեց Վիշինսկու մակարդակի։ Մի խոսքով, ամեն ինչ փլուզեց կամ ձևախեղեց, բայց Եկեղեցին կա։ Դա նշանակում է, որ կա այն հենքը, որի վրա հայ ժողովուրդը կարող է միավորվել ու թույլ չտալ, որպեսզի Հայաստանն «Արևմտյան Ադրբեջան» դառնա։ Ահա այդ պատճառով էլ Թուրքիան ու Ադրբեջանը, Նիկոլ Փաշինյանի միջոցով, հարձակվել են Հայ Առաքելական Եկեղեցու վրա։ Դրա համար էլ մեր հարգարժան հոգևորականները հայտնվել են բանտում։

Այնպես որ ՀՀ յուրաքանչյուր քաղաքացի, լինի նա հայ, թե այլ ազգի, լինի նա հավատացյալ, թե աթեիստ, լինի նա լիբերալ, թե պահպանողական, լինի նա աղանդավոր, թե առաքելական, պետք է պաշտպանի Հայ Առաքելական Եկեղեցուն, քանզի սեղանին դրված է Հայաստանի Հանրապետության հարցը։

Արցախում էլ աղանդավորներ ու առաքելականներ կային, հավատացյալներ ու աթեիստներ կային, իշխանամետներ ու ընդդիմադիրներ կային, հարուստներ ու աղքատներ կային։ Հիմա նրանք բոլորը դարձել են փախստականներ, զրկվել են սեփական լավ կամ վատ տներից, դարձել են հայրենազուրկ։

ՀՀ–ի հետ էլ կարող է նույնը տեղի ունենալ։ Հետո ի՞նչ, որ ՄԱԿ–ով ճանաչված պետություն ենք։ Ուկրաինան էլ էր ճանաչված, Սիրիան էլ։

Այնպես որ մեր ու մանուկ, պահպանողական ու լիբերալ, հարուստ ու աղքատ, Աստծո գոյությունն ընդունող ու չընդունող, Աստվածաշունչ կարդացած ու չկարդացած, գրագետ ու անգրագետ, աղանդավոր ու առաքելական, թոշակառու և ուսանող, բոլորս պետք է գործենք՝ ի պաշտպանություն Էջմիածնի, որը նշանակում է, որ գործում ենք ի պաշտանություն Հայաստանի։

Հայաստանը հայի՛...»