Գյումրիում տեղի կունանա Ուխտերթ՝ Շիրակի թեմի առաջնորդ, գերաշնորհ Միքայել արքեպիսկոպոս Աջապահյանի օրհնությամբ

Այս մասին տեղեկանում ենք թեմի ֆեյսբուքյան էջից:
«Ապաշխարության հոգով ու միասնական աղոթքով այս ուխտագնացությունը առաջնորդելու է Հայ Առաքելական Եկեղեցու Շիրակի թեմը և այն մեր ազգի հայացքը Տեր Հիսուս Քրիստոսի հրաշափառ Պայծառակերպությանն ուղղելու խորհրդով է լինելու:

Սիրելի՛ ժողովուրդ, Մայր Եկեղեցին կանչում է իր հավատավոր զավակներին մասնակցելու այս հոգևոր ուխտագնացությանը և մեր ուխտի նորոգության հերթական հնարավորությանը: Մեր հայրենիքի և ազգի առաջ ծառացած այս դժվարին ժամանակներում՝ մենք բոլորս կոչված ենք հրաժարվելու չարությունից, պայքարելու մեր մեղքերի դեմ, հայտնապես վկայելու մեր Տեր Հիսուս Քրիստոսին և համախմբվելու մեր Փրկչի շուրջ:

 Թափորի հաջորդ հանգրվանը կլինի Սուրբ Գրիգոր Լուսավորիչ եկեղեցու մոտ, որտեղ կկատարվի անդաստան արևմտյան կողմն աշխարհի և քարոզ:

 Ուխտերթի մյուս հանգրվանը կլինի Սուրբ Աստվածածին Մայր եկեղեցու (Յոթ Վերք) մոտ, որտեղ կկատարվի անդաստան հարավային կողմն աշխարհի և քարոզ:

 Վերջին կանգառը Սուրբ Ամենափրկիչ եկեղեցու մոտ կլինի, որտեղ կկատարվի անդաստան հարավային կողմն աշխարհի և մուտք եկեղեցի, որտեղ Միասնական աղոթքից՝ Հանգստյան ժամերգությունից հետո կլինի արձակում:

Սիրելի՛ քրիստոնյաներ, եկե՛ք այս մտածումներով ու զղջումով վերանորոգենք մեր Ուխտը Տեր Հիսուս Քրիստոսի հետ և միասին Գյումրու Սուրբ Հակոբ Մծբնեցի եկեղեցուց մեր քայլերն ուղղենք դեպի Շիրակի թեմի Սուրբ Ամենափրկիչ եկեղեցի: Վկայենք մեր հավատքն ու նվիրումն առ Տեր Հիսուս Քրիստոս»: