Փաշինյանը կասկածներ ունի իր հենասյուների նկատմամբ․ «Իրավունք»

«Իրավունք» թերթը գրում է. «Իշխանական կուլիսներում շրջանառվող շշուկների համաձայն` Նիկոլ Փաշինյանը վերջին շրջանում ծայրահեղ կասկածանքով է սկսել վերաբերվել այն կառույցներին, որոնք մինչ այս պահը համարվել են իր իշխանության պահպանման հենասյուները: Խոսքը, իհարկե, իրավապահ համակարգի մասին է՝ ԱԱԾ-ից մինչեւ ոստիկանություն:

Իսկ եթե այդ պահին պարզվի, որ իրավապահ համակարգը այլեւս բիրտ ուժ կիրառող բրիգադը չէ, այլ պարզապես առնվազն չեզոք դիտորդ, ապա իրավիճակը կարող է լիովին դուրս գալ Փաշինյանի վերահսկողությունից:

Ընդ որում՝ առ այս պահը Փաշինյանը չի գտել հստակ պատասխան՝ ի՞նչ միջոցներով չեզոքացնի այն մարդկանց, ում ձեռքում են մնացել «օրինական բռնի ուժի» լծակները, բայց ում սրտում կարող են ծնվել հակաիշխանական հակումներ»։