Ալիևը պատրաստվում է պատերազմի՞

Քիչ առաջ հայտնի դարձավ, որ Ալիևը հրամանագիր է ստորագրել՝ ոչ թե հերթական, այլ՝ արտահերթ նախագահական ընտրություններ անցկացնելու վերաբերյալ, այն էլ՝ ապրիլի 11-ն:

Տպավորությունն այնպիսին է, որ Ալիևը ուզում է սինխրոնիզացնել իր երկրի քաղաքական գործնթացները հայկականի հետ:

Հիշեցնենք, որ Հայաստանում մեծ քաղաքական փոփոխությունները լինելու են այս տարվա ապրիլ ամսին, մինչդեռ Ադրբեջանում նախագահական ընտրությունները պետք է անցկացվեին այս տարվա աշնանը՝ հոկտեմբեի 17-ն: Սակայն, անսպասելի նաև ադրբեջանցիների համար, Ալիևը որոշում կայացրեց ընտրությունները տեղափոխել հոկտեմբերից՝ ապրիլ:

Ներքաղաքական տեսանկյունից Ալիևին ոչինչ չէր խանգարում ընտրություններն անցկացնել հոկտեմբերին, քաղաքական թատերաբեմում նա լուրջ մրցակից չունի: Սակայն կայուն վիճակում արտահերթ պրոցես անցկացնելը լավ բան չի համարվում:

Այստեղ կարող է լինել երկու վարկած: Կամ անձնական վարկածն է դեր խաղացել, կամ՝  աշխարհաքաղաքական:

Փորձենք բացել փակագծերը: Արդեն մեկ տարի է, ինչ խոսվում է այն մասին, որ Ալիևը հիվանդ է և նա պատրաստվում է փոխանցել իշխանությունը իր կնոջը՝ Մեհրիբանին: Սակայն ինչքանով է հավաստի այս վարկածը, դժվար է ասել՝ քիչ ինֆորմացիայի պատճառով: Երկրորդ վարկածը կարող է պայմանավորված լինել աշխարհաքաղաքական գործոններով: Թուրքական ռազմական օպերացիան Աֆրինում մեծ ոգևորություն է առաջացրել Բաքվում: Շատ ադրբեջանցի փորձագետներ այն կարծիքին են, որ եթե Թուրքիան «մարսի» Աֆրինը , ապա Ադրբեջանը չպետք է իր պատմական շանսը բաց թողնի և սկսի նույն գործողությունները Ղարաբաղյան ուղությամբ, այն էլ այս տարվա գարնան-ամռան ամիսներին:

Հասկանալի է , որ հոկտեմբերի 17-ի շեմին Ալիևը չէր գնա սրմանը ռազմաճակատում, նա պարտավոր էր ընտրությունների օրը տեղափոխել մինջև պատերազմական գործողություններ սկսելը: Ահա թե ինչու այս վարկածը կարող է մոտ լինել ճշմարտությանը: Այս մասին մենք հետագայում ավելի մանրամասն կներկայացնենք՝ մեր հաջորդ վերլուծություններում:

Հակոբ Կարապետյան