Պետությունն ասել է՝ կրճատեք, մենք չենք կրճատել, և 30 մլն դոլար մեր գրպանից աշխատավարձ ենք տվել․ Նարեկ Կարապետյան
Եթե դուք տեսնում եք վթար, որտեղ շատ մեծ քանակի բնակչության էներգամատակարարում է անջատվում, օրինակ, Երևանի 3 վարչական շրջան, դա չի կարող լինել ՀԷՑ-ը։ Այս մասին իր տեսաուղերձում հայտարարել է ՀԷՑ տնօրենների խորհրդի նախագահ, Սամվել կարապետյանի եղբորորդի Նարեկ Կարապետյանը։
«ՀԷՑ-ը սնուցում է փոքր-փոքր ենթակայաններ, որոնք սնուցում են թաղերը, իսկ մեծ վթարները հիմնականում ԲԷՑ-ի վթարներն են։
Նման բան տեղի ունեցավ մայիսին, նման բան տեղի ունեցավ մի քանի օր առաջ։ Եթե ձեր ամբողջ շրջանում խնդիր կա, ուրեմն Բարձրավոլտն է, եթե ձեր մի քանի շենքում է խնդիրը, ուրեմն ՀԷՑ-ն է։ Ատոմակայանը արտադրում է էլեկտրաէներգիան, տալիս է պետական Բարձրավոլտ էլեկտրական ցանցերին, որը հոսանքը հասցնում է մինչև ձեր քաղաք, ձեր քաղաքում ԲԷՑ-ի հոսանքը տալիս է ՀԷՑ-ին։
Ատոմակայանը պետական է, ԲԷՑ-ը պետական է, իսկ քաղաքում մատակարարումը կատարում է ՀԷՑ-ը»,- նշեց նա։
Կարապետյանը տեղեկացրեց նաև, որ մայրաքաղաքում, հատկապես բարձրահարկ շենքերի հոսանքը հասնում է հողի տակով, այսինքն՝ այն լարերը, որ մենք փողոցում տեսնում ենք՝ դրանք ՀԷՑ-ի լարերը չեն, դրանք ինտերնետային լարերն են, իսկ հոսանքի լարերն անցնում են հողի տակով։
Մանրամասն՝ տեսանյութում։
Հետևեք մեզ Facebook-ում