ՌԴ–ն ուզում է տեսնել կայուն, զարգացող ՀՀ. Զախարովան` եկեղեցու շուրջ ստեղծված վիճակի մասին (տեսանյութ)

Ռուսաստանը շահագրգռված է, որ եղբայրական Հայաստանը լինի կայուն ու զարգացող։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Կրեմլի հետ ընդդիմադիրների, հոգևորականների և Ամենայն հայոց կաթողիկոսի այսպես կոչված կապերի մասին ԶԼՄ-ների և Telegram-ալիքների արտահոսքերը։

«Սա Հայաստանի, առաջին հերթին հայ ժողովրդի համար սարսափելի տեղեկատվական արշավ է, քանի որ այն պառակտում է հասարակությունը»,-ասել է Զախարովան։

Նրա խոսքով` այս ամենը հանգեցնում է հայ հասարակության ներքին պառակտման, և դա «ոչ թե առաջնային հարցերի մասին է, այլ այն բաների, որոնք կարծես միշտ միավորել են հայությանը` որպես ժողովուրդ, և օգնել հաղթահարել հայ ժողովրդին բաժին հասած բարդագույն փորձությունները»։

Զախարովան նշել է, որ անառարկելի արժեքները՝ հավատը, կրոնը, եկեղեցին, արհեստականորեն դառնում են կռվախնձոր, և անհասկանալի է, թե ինչու են Ռուսաստանը կապում այդ հարցի հետ:

Նա վստահեցրել է, որ Մոսկվան անկեղծորեն շահագրգռված է եղբայրական Հայաստանի կայունությամբ և ցանկանում է այն տեսնել որպես բարեկեցիկ երկիր:

Աղբյուրը՝ arm.sputniknews.ru