Անկեղծորեն ցավում ենք Ադրբեջանի որոշումների առնչությամբ. Պեսկով
Իրավապահ մարմինների գործողությունները չեն կարող հիմք հանդիսանալ դիվանագիտական դեմարշների համար։ Այս մասին հայտնել է Ռուսաստանի նախագահի մամուլի քարտուղար Դմիտրի Պեսկովը՝ մեկնաբանելով Ադրբեջանի արտաքին գործերի նախարարության հայտարարությունը, որը պահանջում է հետաքննություն անցկացնել Եկատերինբուրգում ադրբեջանցիների ձերբակալությունների վերաբերյալ։
«Մենք անկեղծորեն ցավում ենք ընդունված որոշումների համար»,- ասել է Պեսկովը։ Նրա խոսքով՝ կարեւոր է շարունակել աշխատանքը՝ «բացատրելու այն իրադարձությունների պատճառներն ու բնույթը, որոնք, ադրբեջանական կողմի կարծիքով, նման դեմարշների պատճառ են հանդիսացել», հաղորդել է РБК-ն։ Պեսկովին նաեւ հարցրել են, թե արդյոք նախատեսված է Ռուսաստանի նախագահ Վլադիմիր Պուտինի եւ Ադրբեջանի նախագահ Իլհամ Ալիեւի միջեւ զրույց։ Նա պատասխանել է, որ զրույցը դեռ «օրակարգում չէ»։
«Բայց մյուս կողմից, եթե դրա կարիքը լինի, ապա, իհարկե, այն կկայանա հնարավորինս շուտ»,- ավելացրել է Պեսկովը։
Ռուսաստանը հետաքրքրված է «Ադրբեջանի հետ բարի հարաբերությունների» հետագա զարգացմամբ», ավելացրել է Պեսկովը։
Հետևեք մեզ Facebook-ում