Մակրոնը սրտանց ողջունել է Փաշինյանին՝ Հայ եկեղեցու վրա հարձակումների, իրավական բեսպրեդելի, զանգվածային ապօրինի կալանավորումների, հակաժողովրդավարական վակխանալիայի դիմելու համար

Արցախը Ալիևին ու Էրդողանին հանձնելու հակահայ գործարքի եղկելի «քավոր» Էմանուել Մակրոնը, որ Ֆրանսիայի նախագահն է, հասկացնել է տվել, որ լիովին կողմնակից է Փաշինյանի կղմից Հայ առաքելական եկեղեցու վրա վայրագ հարձակումներին, հայ բարձրաստիճան հոգևորականների ապօրինի կալանավորմանը, առհասարակ, հայ մարդկանց դեմ զանգվածային ռեպրեսիաներին, հանիրավի ձերբակալություններին, խուզարկություններին ու հակաժողովրդավարական, մարդու հիմնարար տրավունքներն ու ազատությունները կոպտորեն ոտնահարող այլևայլ այլանդակություններին: 

Կնոջ կողմից թե ուղղակիորեն, թե փոխաբերաբար առհասարակ ապտակված Մակրոնը Նիկոլ Փաշինյանի հետ հեռախոսազրույցը որակել է «շատ լավ»։ Մակրոնը նաև գրել է. «Հայտնեցի Ֆրանսիայի համերաշխությունն՝ ի պատասխան Հայաստանի ժողովրդավարությունն ապակայունացնելու փորձերի։
Նաև վերահաստատեցի մեր աջակցությունը նրա խիզախ ջանքերին՝ ուղղված Ադրբեջանի հետ խաղաղության հաստատմանը և Թուրքիայի հետ հարաբերությունների կարգավորմանը։ Խաղաղությունը և բաց սահմանները կարևոր զարգացում կլինեն ամբողջ տարածաշրջանի համար և օրինակ՝ դրա սահմաններից անդին»,- X-ում գրել է  Մակրոնը։
Ավելի երկերեսանի, կեղծ ու հակահայկական վարք նման մեկից, ով Արցախը թշնամուն հանձնելու գործարքի (Պրահա, 06.10.22թ.) անմիջական մասնակից ու մեղսակիցն է, հազիվ թե կարելի էր սպասել: 
Այո, Ֆրանսիան բարեկամական երկիր է: Բայց այդ երկրի նախագահի պաշտոնն զբաղեցնող Մակրոնը ոչ միայն բարեկամ չէ, այլև՝ գործնականում հակառակը: Ավելի ճիշտ, նա ցույց է տալիս, որ միայն Փաշիյնանին է բարեկամ: