Գործի նյութերում միայն Աջապահյանի հարցազրույցն է. պաշտպան
Երեւան քաղաքի ընդհանուր իրավասության դատարանի Նոր Նորք եւ Ավան նստավայրում շարունակվում է Շիրակի թեմի առաջնորդ Միքայել արքեպիսկոպոս Աջապահյանի խափանման միջոցի հարցի քննությունը։
Մինչեւ դատարան մտնելը նրա պաշտպաններից Երեմ Սարգսյանը լրագրողների հետ զրույցում ասաց, որ գործի նյութերում միայն Աջապահյանի հարցազրույցն է։
«Կրկնակի անգամ դատելու սկզբունքը կոպտորեն խախտում է, հետևաբար մենք այս հարցը դատարանում կբարձրացնենք։ Աջապահյանի տրված հարցազրույցի հիման վրա իրենք գտնում են, որ իշխանությունը բռնությամբ զավթելու կոչ է արվել, այնինչ կա փաստաթուղթ՝ Դանիել Իոաննիսյանը հարցում է կատարել մեկ այլ հարցազրույցի վերաբերյալ, և իրենք քրեական գործի վարույթ չնախաձեռնելու որոշում են կայացրել` գտնելով, որ նույնաբովանդակ խոսակցությունը հանցանք չի պարունակում։ Հանձնարարության արդյունքում, թե քաղաքական հրահանգի արդյունքում, հիմա էլ գտնում են, որ հանցագործություն է»,–ասաց Երեմ Սարգսյանը։
Աղբյուրը՝ news.am
Հետևեք մեզ Facebook-ում