«Միքայել Սրբազանը չի թաքնվում․ ժողովուրդը թույլ չի տալիս նրան նստել մեքենան»․ Նաթան արքեպիսկոպոս Հովհաննիսյան

Մայր Աթոռ Սուրբ Էջմիածնի դարպասների մոտ իրավիճակը կրկին լարվեց։ Ոստիկանական ուժերն ու Ազգային անվտանգության ծառայության աշխատակիցները փորձում են մուտք գործել Մայր Աթոռի տարածք, սակայն մարդիկ փակել են մուտքը և թույլ չեն տալիս։ ԱԱԾ-ն հայտարարություն էր տարածել՝ Միքայել Արքեպիսկոպոս Աջապահյանին կոչ անելով «չթաքնվել իրավապահ մարմիններից և ներկայանալ իրեն սպասող Ազգային անվտանգության ծառայության օպերատիվ խմբին։ Մայր Աթոռի Արտաքին հարաբերությունների և արարողակարգի բաժնի տնօրեն Նաթան արքեպիսկոպոս Հովհաննիսյանը հայտնեց, որ Միքայել Սրբազանը որոշում է կայացրել գնալ իրավապահների հետ, սակայն ժողովուդը թույլ չի տալիս։ «Միքայել Սրբազանը երբևէ որևէ մեկի ետևում չի թաքնվել և նման նպատակ էլ չունի։ Նա երկու անգամ մոտեցավ ավտոմեքենային և ժողովուրդը թույլ չտվեց նրան նստել մեքենան»,- ասաց Նաթան Սրբազանը։