Արևելքը շատ նուրբ երևույթ է
Քաղաքագետ Ստեփան Դանիելյանը նկատում է. «Հունիսի 21-22 Ստամբուլում անցկացված Իսլամական երկրների կազմակերպության նիստում ընդունվել է Հայաստանի դեմ Ադրբեջանի կողմից ներկայացված ռեզորյուցիա, որին հաջորդեց Հայաստանի ԱԳՆ խղճուկ հայտարարությունը:
Ոմանք ասում են, բա թե ինչու Իրանը դեմ չի քվեարկել այդ որոշմանը: Իսկ ինչու պետք է դեմ քվեարկեր:
Հիշեցնեմ, հունիսի 12-ին, Իրան-իսրայելական պատերազմից մեկ օր առաջ, ՄԱԿ-ի International Atomic Energy Agency-ում, ռուսերեն մեզ հայտնի МАГАТЭ-ի կառավարման խորհուրդն, 20 տարվա ընթացքում առաջին անգամ, որոշում է կայացրել, որ Իրանը չի կատարում իր հանձնառություններն այդ կազմակերպության առջև, ինչն Իրանի վրա հարձակման լեգիտիմ պատճառ էր Իսրայելի ու ԱՄՆ համար:
Այդ որոշմանը կողմ է քվեարկել 19 երկիր, դեմ՝ 3 երկիր (Ռուսաստան, Չինաստան ու Բուրկինա Ֆասո), և 11 երկիր՝ ձեռնպահ:
Այսպիով, Հայաստանը, որն Իրանի հարևանն է, որի տարածքային ամբողջությունը պահպանվում է Իրանի շնորհիվ, որը Հայաստանի համար ստրատեգիական երթուղիներ է ապահովում, ձեռնպահ է քվեարկել: Եթե դեմ քվեարկեր, ոչինչ չէր փոխվում, ուղղակի իր հարևանի հետ բարիդրացիական հարաբերություններ կարող էր պահպանել:
Թե ինչպես պետք է բնութագրվի Հայաստանի կառավարության այդ պահվածքը, թողնում եմ ձեզ»:
Հետևեք մեզ Facebook-ում