Փաշինյանը խելագարվել է. ՌԴ Պետդումայի պատգամավոր (տեսանյութ)

ՌԴ Պետդումայի պատգամավոր Անդրեյ Լուգովոյը Alpha News-ի հետ զրույցում մեկնաբանել է Հայաստանում իրականացվող քաղաքական հետապնդումները։

«Երբ իշխանությունները փաստարկներ չունեն, երբ չեն ուզում կորցնել իշխանությունը, միշտ դիմում են նման մեթոդների։ Փաշինյանն, իմ կարծիքով, խելագարվել է։ Երբ մարդուն բերման են ենթարկում պարզապես իր հայտարարությունների համար, որոնք ընդհանուր բնույթ ունեն, դա նշանակում է, որ նրանք գլոբալիստական աշխարհի ներկայացուցիչներ են՝ Փաշինյանն ու նրա եղբայրները: Բայց զարմանալին այն է, որ Հայաստանի ժողովուրդը հանգիստ է դա ընդունում: Ամեն ինչ ուղղակի գնում է անհասկանալի ուղղությամբ։

Ես ընդհանրապես այնտեղ հեղափոխություն կիրականացնեի, իսկ ի՞նչ անել Փաշինյանի հետ, կմտածեի այդ ուղղությամբ: Սամվել Կարապետյանին ընդդիմադիր անվանելը դժվար է, նա պարզապես իր դիրքորոշումն է հայտնել, իսկ երբ իշխանությունը նման քայլ է անում, ապա դա խոսում է իշխանությունը կորցնելու վախի մասին»,-ասել է Լուգովոյը:

Պատգամավորի խոսքով՝ Փաշինյանն ամեն ինչ անում է Հայաստանը թուլացնելու համար:

«Ինչ վերաբերում է քաղաքական հետապնդումներին, ապա իշխանությունները, հավանաբար, կարծում են, որ դա օրինական է, բայց հակառակն է: Նրանք գործում են ըստ լոնդոնյան մեթոդաբանության՝ հստակ գիտակցելով, որ հայտնվում են ուժեր, որոնք պատասխան են ուզում Փաշինյանից, ով իրականում վերջին շրջանում անում է ամեն ինչ, որպեսզի Հայաստանը թուլանա»,-եզրափակել է Լուգովոյը։