Նման իրավիճակ կարող է առաջանալ միայն իշխանության զավթված լինելու դեպքում. Գևորգ Դանիելյան
Գործարար Սամվել Կարապետյանի դեմ Հայաստանի քննչական մարմինների մեղադրանքները վկայում են, որ Հայ Առաքելական Եկեղեցուն հանրային աջակցության նույնիսկ օրինական ձևերն այսօր ընկալվում են որպես ռեժիմի համար սպառնալիք։ Այդ մասին «ՌԻԱ նովոստի»-ին ասել է Հանրապետության արդարադատության նախկին նախարար, Հայ Եկեղեցու Գերագույն Հոգևոր Խորհրդի անդամ Գևորգ Դանիելյանը։
«Ըստ էության, քննչական մարմինն իրեն դրել է չափազանց հակասական դիրքում՝ մեղադրելով Սամվել Կարապետյանին իշխանության զավթման կոչ անելու մեջ, ինրն էապես ապացուցում է, որ «իր ձևով» արտահայտությունը (խոսքը Կարապետյանի «Մենք մեր ձևով կմասնակցենք Եկեղեցու պաշտպանությանը» ) ոչ այլ ինչ է, քան իշխանության զավթման կոչ։ Այլ կերպ ասած, վերջինս ակամա ապացուցում է, որ Հայ Եկեղեցու պաշտպանության ոչ մի այլ սահմանադրական ձև՝ օրինակ՝ դատարանի որոշումը, խաղաղ հավաքը, խնդրագիրը, չի կարող իշխանություններին խանգարել իրենց անօրինական մտադրությանը։ Միևնույն ժամանակ, անտեսվում է իրողությունը, որ նման իրավիճակ կարող է առաջանալ միայն իշխանության զավթված լինելու դեպքում»,-ասել է լրատվական գործակալության զրուցակիցը։
Նրա խոսքով՝ Հայ Առաքելական Եկեղեցու վրա ճնշումները սկսվել են դեռևս 2018 թվականին։ Նա ուշադրություն է հրավիրել ոստիկանության անգործության դեպքերի վրա, երբ խախտվել են Եկեղեցու իրավունքները, ինչպես նաև մի շարք օրենսդրական սահմանափակումների վրա, որոնք, իր կարծիքով, ուղղված են եղել կրոնական հաստատության դեմ։ Այս ֆոնին նախկին նախարարը ընդգծել է, որ Կարապետյանի՝ Եկեղեցուն աջակցելու հայտարարությունը ոչ միայն ագրեսիվ բնույթ չի կրել, այլև բացարձակապես տրամաբանական քայլ է երկրի հոգևոր և հասարակական կյանքի հետ սերտորեն կապված անձի կողմից։
Հետևեք մեզ Facebook-ում