Նիկոլին հանգիստ չի տալիս խելագար Ադոլֆի ստվերը

Իշխանությունն՝ ի դեմս Նիկոլ Փաշինյանի, կորցրել ու շարունակում է կորցնել հանրային լեգիտիմությունը։ Հետևաբար իշխանությունը պահելու միակ տարբերակը մնացել է ուժայինների սվիններն ու ընդդիմախոսների նկատմամբ շինծու պատրվակներով կիրառվող այլանդակ բռնաճնշումները։

Փաշինյան Նիկոլի կողմից «հեղափոխության պլանի» զավզակ թղթի հրապարակումը բռնաճնշումների նոր պատրվակ ստեղծելու նպատակ էր հետապնդում։ Որևէ ողջախոհ մարդ չի հավատում, որ նման հիմարությունը կարող է «իշխանափոխության պլան» լինել։ Ավելին, ենթադրում եմ, որ այդ պլանը գրվել է իշխանության միջանցքներով։ Որովհետև ընդդիմախոսներին բանտերը նետելու նոր առիթ էր պետք, ու Փաշինյան Նիկոլի երևակայությունն էլ այդ որակի «պլանից» ավելի բան չէր կարող երկնել։ Այսօր արդեն ուժայիններին ուղարկել է ընդդիմախոսները տները ու հրահանգել է ուժայիններին մի ահասարսուռ հաղորդագրություն տարածել իբր իշխանության բռնազավթման փորձի մասին։

Փաշինյան Նիկոլին հանգիստ չի տալիս խելագար Հիտլերի ստվերը։ Վերջինս իշխանությունն ամրապնդելու համար օգտագործեց Ռեյխստագը հրդեհելու հանգամանքը։ Դա առիթ դարձրեց, որ ձերբակալի հազարավոր ընդդիմախոսների ու քաղաքական լիդերների, արգելի կուսակցությունների գործունեությունը, սահմանափակի քաղաքական իրավունքները, խոսքի ազատությունը և այլն։

Նիկոլի հրապարակած «հեղափոխության պլանը» ոչնչով չի տարբերվում Ռեյխստագի հրդեհումից։ Ուղղակի հիմա դեռ լավ ենք պրծել, որ Ազգային ժողովի շենքը վառել չի տվել ու դրա պատասխանատվությունը չի դրել ընդդիմության վրա։ Բայց դրանով մխիթարվել պետք չէ, քանի որ իշխանությունը կորցնելու վախի սրացումը կարող է այդ քայլին էլ դրդել։

Այս ամենի մեջ խիստ նողկալի է իբր ժողովրդավարության ու մարդու իրավունքների համար կուրծք ծեծող միջազգային ու տեղական կազմակերպությունների քար լռությունը։ Դրանք, ըստ էության, Նիկոլի հետ հավասար պատասխանատվություն են կրում իշխանությունների կատարած այլանդակ գործողությունների համար։

«Մայր Հայաստան» դաշինքի անդամ Դերենիկ Մալխասյանի ֆեյսբուքյան էջից