Ինչու է «ապաքաղաքական» Արմեն Սարգսյանը հանդիպում քաղաքական կուսակցությունների հետ

Համաձայնվեք, որ տարօրինակ պրոցեսներ են ընթանում Հայաստանում:

Սկզբից հայտարարվում էր, որ Արմեն Սարգսյանը պետք է լինի ապաքաղաքական գործիչ, ով չպետք է ներքաշված լինի երկրի ներքաղաքական գործնթացների մեջ: Հետո նշվեց , որ նա փաստացի սկսում է իր նախընտրական արշավը, հանդիպումները քաղաքական կուսակցությունների ներկայացուցիչների հետ: Այստեղ է, որ մի շարք հռետորական հարցադրումներ պետք է անել: Եթե նա չպետք է զբաղվի ներքաղաքական խնդիրներով, ապա ինչու՞ է հանդիպումների շարք սկսել քաղաքական կուսակցությունների հետ: Որպեսզի ի՞նչ քննարկեն: Համաձայնվենք, որ սա քաղաքագիտական տեսանկյունից նոնսենս է:

Եթե նա, այնուամենայնիվ, պետք է զբաղվի քաղաքականությամբ, ապա նա պարտավոր է խոսել հասարակությանը հուզող խնդիրների մասին, հայտնի իր տեսակետները՝ այս կամ այն հարցի վերաբերյալ, ցույց տա լուծման իր պատկերացրած ուղիները և նշի թե ինչպես է նա դրանք իրականացնելու՝ իր լիազորությունների սահմաններում : Բայց դրա համար պետք է, որ նա հրապարակային ելույթներով հանդես գա, որտեղ հիմնական թեմաները կլինեն ոչ թե հանրահայտ ապտակի պատմությունը, կամ իր ինձի վերաբերյալ հարցերը, այլ կոնկրետ առարկայական հարցեր, որոնք հուզում են լայն հասարակությանը: Հակառակ դեպքում ստացվում է, որ մենք ունենալու ենք յուրօրինակ քինդեր- սյուրպրիզ նախագահ, որին մեծ հաշվով չենք էլ ճանաչում:

Դավիթ Մկրտչյան