Էրդողանի հետ հանդիպմանը Փաշինյանն ընդգծել է հավատարմությունը տարածաշրջանում խաղաղության գործընթացին
Ստամբուլում կայացել է ՔՊ-ի ղեկավար Նիկոլ Փաշինյանի և ցեղասպանական ոճրագործ Թուրքիայի նախագահ Ռեջեփ Թայիփ Էրդողանի ջերմ հանդիպումը։
Ըստ Փաշինյանի կառավարության կայքի՝ կողմերը քննարկել են Փաշինյանի իշխանություն-Թուրքիա հարաբերությունների ընթացքը, ընդգծել կառուցողական երկխոսության շարունակականության և կոնկրետ արդյունքների հասնելու կարևորությունը։ Զրուցակիցներն անդրադարձել են նաև տարածաշրջանային իրադարձություններին և այդ համատեքստում երկկողմ համագործակցության հնարավոր ուղղություններին։
Փաշինյանն ընդգծել է հավատարմությունը տարածաշրջանում խաղաղության և կայունության ապահովման գործընթացին և շեշտել հարևանների հետ հարաբերությունների կարգավորման քաղաքականության շարունակականության իր հանձնառությունը։
Էրդողանն ու զրուցակիցը վերահաստատել են պատրաստակամությունը՝ շարունակելու ուղիղ կապերն ու երկխոսությունը։
Մտքեր են փոխանակվել Հայաստան-Ադրբեջան խաղաղության գործընթացի, ինչպես նաև Փաշինյանի «խաղաղության խաչմերուկ» նախագծի շուրջ։
--
Միեաժամանակ, Ստամբուլի «հայ համայնքի ներկայացուցիչների» հետ հանդիպման ժամանակ Նիկոլ Փաշինյանն ասել է, որ Թուրքիայի նախագահ Էրդողանին հրավիրելու է Հայաստան՝ մասնակցելու 2026-ի գարնանը Երևանում անցկացվելիք Եվրոպական քաղաքական համայնքի գագաթնաժողովին, հայտնում է «Ակոս»-ը։
Հետևեք մեզ Facebook-ում