Հայաստանում ընդդիմադիրների լայնամասշտաբ ձերբակալություններ են
Ձերբակալվել, բերման են ենթարկվել, բաժին են «հրավիրվել» ընդդիմադիր հայացքներ ունեցող ու ամենատարբեր քաղաքական ուժեր ու խմբեր ներկայացնող մի քանի տասնյակ քաղաքացիներ։ Ասված է «Հինգ իրավապաշտպանների նախաձեռնության» հայտարարության մեջ։
«Կեսօրից հետո Երևանում ու մի քանի մարզերում սկսել է «իրավապահների» տեռոր, որը հիշեցնում է 1915թ. ապրիլի 24-ի նախօրեն»,- նշված է հայտարարության մեջ։ ՀՅԴ-ն ևս հանդես է եկել հայտարարությամբ նշելով՝ «Քիչ առաջ ապօրինի ձերբակալություններ և խուզարկություններ են իրականացվել ՀՅԴ մարզային կառույցների պատասխանատու ընկերների նկատմամբ։ ՀՅԴ անդամների նկատմամբ քաղաքական հետապնդումների այս նոր փուլը մեկնարկել է Փաշինյանի՝ Թուրքիա կատարած այցին զուգահեռ։
Անկախ զարգացումներից և բռնաճնշումների ծավալներից փաստում ենք. որևէ բռնաճնշում չի կարող մեզ լռեցնել, այսպիսի գործելաոճն, ի վերջո, ծնելու է համարժեք հակազդեցություն»։ Մասշտաբային ձերբակալությունների մասին ահազանգել է նաև «Սրբազան պայքար» էջը՝ նշելով, որ իրավապահ մարմիններն այս պահին իրականացնում են իրենց կողմնակիցների լայնամաշտաբ ապօրինի ձերբակալություններ: Այս ամենին զուգահեռ հարյուրավոր ոստիկաններ շրջափակել են Նիկոլ Փաշինյանի կեցավայրը։
Հետևեք մեզ Facebook-ում