Վաղը Թուրքիա եք մեկնում, էնտեղ ձեզանից շատ գոհ կլինեն․ Աննա Գրիգորյանը՝ Փաշինյանին

«Ինչո՞ւ է Սամվել Կարապետյանն այս իշխանության օրոք կալանավորված և ինչո՞ւ է Ռուբեն Վարդանյանն Ալիևի ռեժի մի օրոք կաանավորված․ այդ հարցի պատասխանը ես գիտեմ, որովհետև դուք երկուսդ էլ ատում եք հայ ժողովրդին ու հայկական պետականությունները, ինչպես Հայաստանի Հանրապետությունը, այնպես էլ Արցախը»,- Ազգային ժողովում դիմելով Նիկոլ Փաշինյանին՝ ասաց «Հայաստան» խմբակցության պատգամավոր Աննա Գրիգորյանը։

«Վերջերս մի գրառում հայտնվեց՝ «ես իմ ձևով կմիջամտեմ»․ առաջ գոնե ձև էին անում, թե կա իրավական գործընթաց, որ կան դատական պրոցեսներ, քննիչներն իրենք են գործընթացներ իրականացնում։ Հիմա ՍՄՍ-ների փոխարեն գալիս է ֆեյսբուքյան արդարադատությունը։ Սա է էն համակարգը, որ դուք ստեղծել եք։ Նիկոլ Փաշինյանն էս տարիների ընթացքում ապացուցել է, որ ատում է հաջողակ մարդկանց, ատում է այն մարդկանց, ովքեր հաղթանակի հետ են ասոցացվում, ատում է էն մարդկանց, ովքեր արժեք են ստեղծում ու էական չէ, թե է մարդիկ ովքեր են՝ նախագահներ են, զինվորականներ, բիզնեսմեններ, թե սպորտսմեններ։ Այս մարդը երկրի սահմաններից դուրս թշնամիներ չունի, իր թշամիները ՀՀ-ում են, հայի զազգանուն ունեցողներն են»,- ասաց Աննա Գրիգորյանը։

Աննա Գրիգորյանի ելույթը՝ տեսայութում