«Ինձ չեն կարող ճնշել, միշտ լինելու եմ Եկեղեցու և ժողովրդիս կողքին». Սամվել Կարապետյանն ուղերձով դիմել է քաղաքացիներին

Գործարար և բարերար Սամվել Կարապետյանը փաստաբան Ռուբեն Հակոբյանի միջոցով ուղերձով դիմել է դատարանի բակում հավաքված քաղաքացիներին։

«Ինձ չեն կարող ճնշել, միշտ լինելու եմ Եկեղեցու և ժողովրդիս կողքին։ Մեր հաղթանակին այլընտրանք չկա, կալանքիս որոշումն ապօրինին է»։

Սամվել Կարապետյանը քաղաքացիներին շնորհակալություն է հայտնել այս օրերին իր և ընտանիքի կողքին լինելու համար։

«Ցավոք, դատարանն ապացուցեց, որ դեռևս ընդունակ չէ գործել ինքնուրույն՝ հանուն արդարության և առանց հանձնարարությունների։ Կյանքիս ընթացքում հաջողություններիս զուգընթաց ունեցել եմ նաև դժվարություններ, սակայն հոգիս երբեք չի հանձնվել։ Ապօրինի կալանքով ինձ չեն կարող ճնել և շեղել իմ որդեգրած սկզբունքներից»,–ասել է Կարապետյանը։

Ավելի վաղ  Երևանի ընդհանուր իրավասության քրեական դատարանը որոշում կայացրեց գոծարար Սամվել Կարապետյանի նկատմամբ որպես խափանման միջոց կիրառել կալանքը՝ երկու ամսով։

Ակնհայտ է, որ տեղի ունեցողը ոչ միայն քաղաքական հետապնդում է, քանի որ իրականացվում է ոչ թե օրենքով, այլ բացառապես անձամբ Նիկոլ Փաշինյանի անձնական քմահաճույքով:  Բայց սա նաև բացահայտ ու ցինիզմով ներծծված ապօրինություն է: Ինչ խոսք, ինչպես Ասիվածաշնչում է ասված՝  «կա քարերը նետելու ժամանակը», բայց անխուսափելիորեն գալու է նաև «քարերը հավաքելու ժամանակը»: