Ժամանակին Փաշինյանն էր ՀՀ իշխանությանը կոչ անում կապիտուլյացիայի ենթարկվել ցուցարարների առջև, իսկ այժմ Կարապետյանին են սկսել մեղադրել. Զախարովա (տեսանյութ)

ՌԴ ԱԳՆ ներկայացուցիչ Մարիա Զախարովան կրկին անդրադարձել է Սամվել Կարապետյանի նկատմամբ Հայաստանում իրականացվող հետապնդմանը։

Նա հիշեցրել է, թե ինչպես էր 2018 թվականին Նիկոլ Փաշինյանը Հայաստանի իշխանություններին կոչ անում կապիտուլյացիայի ենթարկվել ցուցարարների առջև և «ճանաչել հեղափոխության հաղթանակը»։

«Այժմ Կարապետյանին, ըստ նրա փաստաբանի, սկսել են մեղադրել «իշխանափոխության ինչ-որ կոչերի մեջ»,-նշել է Զախարովան։

Նա նաև հիշեցրել է, որ 2019 թվականին Նիկոլ Փաշինյանը միջազգային բիզնեսին առաջարկել էր ներդրումներ կատարել Հայաստանում, իսկ հիմա նա «Հայաստանի էլեկտրացանցերի» ազգայնացում է պահանջում։

«Մենք,-ասել է Փաշինյանը,- հրավիրում ենք միջազգային բիզնեսներին ներդրումներ կատարել Հայաստանում։ Մենք,- ասել է Փաշինյանը,- նույնիսկ կարգախոս ունենք պոտենցիալ ներդրողների համար. «Մենք նրանց հրավիրում ենք Հայաստան՝ ավելի հարուստ դառնալու և Հայաստանը ավելի հարուստ դարձնելու համար»,-հիշեցրել է Զախարովան Փաշինյանի՝ 2019 թվականին արված հայտարարությունները։

Այժմ, հավելել է Ռուսաստանի արտաքին քաղաքական գերատեսչության պաշտոնական ներկայացուցիչը, Փաշինյանից հայտարարություններ են լսվում այն ​​մասին, որ Կարապետյանի ներդրումները պետք է ազգայնացվեն։