Սամվել Կարապետյանի ցավոտ հարվածը՝ Նիկոլ Փաշինյանին

Հայաստանը մտնում է քաղաքական գործընթացներինոր փուլ:
Քաղաքագետ Բենիամին Մաթևոսյանը Alpha News-ի եթերում անդրադարձել է թեմային: 

«Նիկոլ Փաշինյանի տոնը փչացրին։ Հունիսի 17-ին իշխանությունները հայտարարեցին, որ Թուրքիայի նախագահ Ռեջեփ Թայիփ Էրդողանը վերջապես կընդունի Նիկոլ Փաշինյանին Անկարայում։ Առնվազն 2021 թվականի փետրվարից Թուրքիան իր ազդեցությունն ուներ Հայաստանի իշխանության վրա, քանի որ ՀՀ Գլխավոր շտաբի՝ Փաշինյանին հրաժարական տալու կոչից հետո, Թուրքիայից ստացված բարձր մակարդակի աշխարհաքաղաքական աջակցությունը նրան օգնեց պահպանել իշխանությունն ու ազատությունը։ Ու հիմա, նոր ընտրությունների մոտենալուն զուգահեռ՝ կարևոր էր հաստատել Թուրքիայի աջակցությունը ՔՊ առաջնորդին։

Իսկ տոնը փչացրեց «Տաշիր» խմբի սեփականատեր Սամվել Կարապետյանը, ով հանդես եկավ հայտարարությամբ՝ ի պաշտպանություն Հայ Առաքելական Եկեղեցու։ Նա նշեց, որ մարդկանց մի փոքր խումբ, մոռանալով Հայաստանի և Եկեղեցու հազարամյա պատմությունը, հարձակումներ է սկսել ՀԱԵ-ի վրա։ «Ես միշտ եղել եմ հայոց եկեղեցու կողքին ու հայ ժողովրդի կողքին։ Եթե քաղաքական գործիչներին չհաջողվի, ապա մենք մեր ձևով ենք միջամտելու եկեղեցու դեմ արշավին»,- ասել է գործարարը News.am-ին տված հարցազրույցում։

Դրանից հետո սկսվեց քաղաքական շոուն։ Փաշինյանը հարձակվեց սպառնալիքներով և անձնական վիրավորանքներով թե՛ ՀԱԵ-ի, թե՛ անձամբ Կարապետյանի վրա։ Նա բառացիորեն հայտարարեց. «Սա ձեզ համար Կալուգայի Նիժնի Տապռի գեղը չի։ Սա Հայաստանի Հանրապետությունն է։ Հույս ունեմ՝ պետության համը բերաններդ կմնա»։ Դրանից հետո «Քաղաքացիական պայմանագիր» խմբակցության պատգամավորները սկսեցին Կարապետյանին սպառնալ Հայաստանի էլեկտրական ցանցերի ազգայնացմամբ։

Փաշինյանի արձագանքը լիովին հասկանալի է. Կարապետյանի հայտարարության մեջ նա տեսավ ոչ միայն քաղաքացիական աջակցություն եկեղեցուն, այլ նաև սպառնալիք իր իշխանությանը։

Փաշինյանը գիտի, թե ինչ կա Կարապետյանի հետևում՝

— Աշխարհաքաղաքական կապիտալ
— Ֆինանսական կապիտալ
-Սոցիալական կապիտալ
-Կազմակերպչական կապիտալ
Այս ամենը կարող է վերածվել քաղաքական կապիտալի։ Հատկապես, որ Կարապետյանի գործողությունների գաղափարական հիմքն ամուր է՝ ՀԱԵ-ի պաշտպանությունը։ Հիմք, որին դժվար է կպցնել որևէքաղաքական պիտակ։ Ահա թե ինչից է վախենում Փաշինյանը, և դա լիովին տրամաբանական է։

Ինչպես կզարգանան իրադարձությունները՝ ցույց կտա ժամանակը։ Արդեն իսկ կան հայտարարություններ հենց Կարապետյանի կողմից. «Հայ ժողովրդի սրբությունների համար պայքարելու եմ իմ ողջ ուժով, ուր էլ լինեմ, ինչ էլ որ լինի։ Թույլ չեմ տալու, որ որևէ մեկը, իր որևէ նպատակ հետապնդելով, հոշոտի մեր սրբությունները»։

ՀԱԵ-ի հայտարարությունը. «Խստորեն դատապարտում ենք ակնհայտ քաղաքական շարժառիթներով պայմանավորված հետապնդումը։ Հորդորում ենք ՀՀ իշխանություններին անհապաղ դադարեցնել ապօրինի գործողությունները»։

Եվ մի շարք քաղաքական գործիչների հայտարարություններ՝ ի պաշտպանություն Կարապետյանի։

Վերջին 7 տարիները ցույց տվեցին, որ երբ Նիկոլ Փաշինյանը հարձակվում է, անհնար է նրա հետ պայմանավորվել՝ հույս ունենալով, որ նա կպահպանի պայմանավորվածությունները։ Ոչ մի ներքաղաքական պայմանավորվածություն (բացի պոտենցիալ պայմանավորվածություններից, որոնք ձեռք են բերվել 2018-ին իշխանության փոխանցման ժամանակ) Փաշինյանը չի պահպանում։ Սա պետք է հասկանա յուրաքանչյուր գործիչ,ով մտնում է քաղաքական գործընթաց։

Մտածե՛ք այդ մասին․․․»։