Իսրայելը հարձակում է սկսել Իրանի վրա. միջուկային օբյեկտները ռմբակոծվել են, ԻՀՊԿ ղեկավարը սպանվել է

Հունիսի 13-ին՝ «ուրբաթ 13», գիշերվա ժամը 3-ին, Իսրայելը հարձակում է սկսել Իրանի վրա: Իսրայելի ռազմաօդային ուժերը հարվածել են Նաթանզի և Ֆորդոյի ուրանի հարստացման օբյեկտներին, Քերմանշահի և Խորամաբադի հրթիռային բազաներին, ինչպես նաև Թեհրանին, Սպահանին, Թավրիզին և Իրանի այլ խոշոր քաղաքներին:
Ինչպես հաղորդում է News.am-ը, նպատակակետը եղել է Իրանի զինված ուժերի և Իսլամական հեղափոխության պահապանների կորպուսի ղեկավարությունը, ինչպես նաև միջուկային ծրագրի վրա աշխատող գիտնականները: Հարվածներ են հասցվել նաև Ղոմին, որտեղ բնակվում են Իսլամական Հանրապետության հոգևոր ղեկավարության բազմաթիվ ներկայացուցիչներ:

Իրանական պետական ​​լրատվական IRNA գործակալությունը՝ հղում անելով չհաստատված աղբյուրներին, հաղորդում է, որ Իսրայելի հարվածների հետևանքով զոհվել են Իսլամական հեղափոխության պահապանների կորպուսի հրամանատար Հոսեյն Սալամին և ֆիզիկոս Մոհամմադ Մեհդի Թեհրանչին։
--
Ի դեպ, արժե նկատել, որ Նաթանյահուի ռեժիմը հարևան Իրանի վրա հարձակման համար հատուկ է ընտրել ուրբաթ օր, ամսի 13-ը: Մյուս հանգամանքն, ինչ ուշադրություն է գրավում, այն է, որ Երկրորդ աշխարհամարտում ֆաշիստական Գերմանիայի կողմից հոլոքոստի ենթարկված հրեաների ներկայիս ղեկավարությունը հարձակումն իրականացրել է տիպիկ ֆաշիստական եղանակով ու ժամի: Չնայած, Գազայի հատվածում պաղեստինցիների ցեղասպանություն իրականացրած Իսրայելի իշխանություններից հազիվ թե սպասելի էր  այլ բան:
Իսրայելի հարձակումը Իրանի վրա և վերջինիս կենտրոնացումն իր պաշտպանության վրա, նկատենք, կարող է նպաստավոր իրավիճակ ձևավորել Հայաստանի վրա Ադրբեջանի ու Թուրքիայի հարձակման համար: 
Իսկ ՀՀ ղեկավարություն համարվող, թուրքական շահեր սպասարկող խմբակը կենտրոնացած է Հայ Առաքելական եկեղեցու նկատմամբ ճնշումներ գործադրելու վրա: