ԱՄՆ Կոնգրեսը չի հրապարակի «կրեմլյան զեկույցի» գաղտնի մասը

Կոնգրեսը չի հրապարակի «կրեմլյան զեկույցի» գաղտնի հատվածը: Այդ մասին հայտնում է «ՌԻԱ Նովոստի»-ն՝ վկայակոչելով Սենատի միջազգային հարցերով հանձնաժողովի նախագահի տեղակալ Բեն Քարդինին:

«Գաղտնի հատվա՞ծը: Ո՛չ, մենք դա չենք անի, մեզ չի թույլատրվում դա անել»,- ասել է նա:

Քարդինը հավելել է, որ Կոնգրեսը հիասթափված է, որ «զեկույցի» առնչությամբ պատժամիջոցներ չսահմանվեցին, և լսումներ է անցկացնելու այդ հարցի շուրջ:

Հիշեցնենք, որ երեկ ԱՄՆ ֆինանսների նախարարությունը պատրաստել է պատժամիջոցների նոր օրենքով նախատեսված «կրեմլյան ցուցակը»:

Ռուսաստանաբնակ հայ գործարարներ Սամվել Կարապետյանը, Դանիլ Խաչատուրովը, Սերգեյ Գալիցկին (Հարությունյան) ընդգրկվել են այդ «Կրեմլյան զեկույց»-ում:

Bloomberg-ը նշում է, որ չնայած ցանկում հայտնված անձինք չեն հայտնվում պատժիչ միջոցների տակ, ինչպիսին է հաշիվների սառեցումը կամ վիզաների արգելքը, նրանց ներառումը կարող է հետ կանգնեցնել ԱՄՆ-ում և Եվրոպայում գտնվող բանկերին և այլ կառույցների նրանց հետ բիզնես վարելուց:

Zham.am