ՆԳՆ-ն հաստատում է, որ Արմաշում վթար է եղել, բայց երդվում են, թե Փաշինյանի ավտոշարասյան հետ կապ չունի

Նիկոլ Փաշինյանի ավտոշարասյան պատճառով նոր վթարի մասին տեղեկությունների տարածվելուց հետո, ՆԳՆ-ն շտապեց հերքում տարածել: ՆԳՆ-ն ուզում է հանրությանը համոզել, թե՝ ինչ-որ բան եղել է, երեք մարդ է տուժել, բայց Փաշինյանի ավտոշարասյունն, իբր, ոչ մի կապ չունի:
Այսպես. «Հունիսի 8-ին’ ժամը 19:10-ին, ՆԳ նախարարության ոստիկանություն վթարի վերաբերյալ ահազանգ է ստացվել։

«Պարզվել է, որ Արարատի մարզի Արմաշ գյուղում պարեկային ծառայության կարգախումբը կանգնեցրել է Նիսան մակնիշի ավտոմեքենա’ վարչարարություն իրականացնելու նպատակով։

Կարճ ժամանակ անց նույն ճանապարհով երթևեկող Հյունդայի մակնիշի ավտոմեքենայի վարորդը, չկարողանալով կառավարել այն, բախվել է պարեկային ծառայության կարգախմբի կայանված ավտոմեքենային։

Պատահարի հետևանքով երեք մարդ, այդ թվում’ պարեկային ծառայության կարգախմբի կին ծառայողը ստացել են մարմնական վնասվածքներ ու հոսպիտալացվել։

Հանգամանքները նախաքննությամբ պարզվում են։

Մամուլում տեղեկություններ էին տարածվել, որ նշված վթարի մասնակից է նաև ՀՀ վարչապետին ուղեկցող ավտոշարասյունը։

Հայտնում ենք, որ այս տեղեկությունը իրականության հետ որևէ աղերս չունի և կոչ ենք  անում՝ չճշտված ու չստուգված տեղեկություններ չտարածել»,-հայտնում են ՆԳՆ-ից։
--
Շատ համոզիչ էր, ինչ խոսք: Այդպես էլ ուզում ես հավելել՝ «Ռաֆիկ նի վչյում նէ վինավատ...»: