Փաշինյանի ավտոշարասյան կամ դրա ընթացքի պատճառով էլի մարդ է տուժել. «Հրապարակ»

Hraparak.am-ի տեղեկություններով` «Նիկոլ Փաշինյանի շարասյունը Սյունիքից վերադառնալիս Արմաշ գյուղում ավտովթարի է ենթարկվել, վնասվածքներ են ստացել նաեւ թիկնապահներից ոմանք։

Փաշինյանի ավտոշարասյունը ավտովթարի է ենթարկել քաղաքացի Շահնազարյան Յուրիկին։ Վերջինիս շտապ օգնության մեքենայով տեղափոխել են հիվանդանոց։

Նշենք, որ սա Փաշինյանի շարասյան կողմից առաջին վթարի դեպքը չէ. տարիներ առաջ Փաշինյանի շարասյունը վթարի ենթարկեց հղի Սոնա Մնացականյանին, որը մահացավ։

Չնայած Նիկոլ Փաշինյանը, ըստ տեղեկությունների, ուղղաթիռով է վերադարձել Երեւան, սակայն, հավանաբար, նրան ուղեկցող շարասյունն այնքան է շտապել, որ շարասյան կազմում գտնվող պարեկային մեքենան է վթարի ենթարկել քաղաքացուն։

Դիմեցինք Ներքին գործերի նախարարությանը, մեզ հայտնեցին,  որ պարեկային մեքենան,  որը ավտովթարի մասնակից է որեւէ առնչություն չունի Փաշինյանի շարասյան հետ։  Մինչդեռ,  նշենք` տեղեկությունը մեզ փոխանցել էին ականատեսները։

ՆԳՆ-ից նաեւ փոխանցեցին`  հավելյալ ճշտում են, հայտարարությամբ հանդես կգան։

Հգ. նոր մանրամասներ։ Քիչ առաջ վարչապետի խոսնակն արձագանքեց մեր լուրին` նշելով, թե այն չի համապատասխանում իրականությանը։ 

Մենք կապ հաստատեցինք Արմաշի բնակիչներից մեկի հետ, որը մեզ պատմեց` Փաշինյանի ավտոշարասյունն անցնելու համար երթևեկությունը կանգնեցվել է. շարասյունը անցնելուց հետո էլ տեղի է ունեցել վրաերթը»։

---
Փաշինյանի ավտոշարասյան մեքենաներից մեկը 2022 թվականի ապրիլի 26-ին վրաերթի էր ենթարկել Սոնա Մնացականյանին և, թողնելով անօգնական վիճակում, դիմել փախուստի: Սոնա Մնացականյանը և իր չծնված երեխան մահացել են: Այդ կրկնակի սպանության համար Փաշինյանի անձնակազմից և ոչ մեկը մինչև օրս ոչ մի պատժի չի ենթարկվել: