Ո՞ւմ փողերն է մսխում Աննա Հակոբյանը

Տարածված տեղեկությունների համաձայն կամ, ինչպես Նիկոլ Փաշինյանն ու իր նախորդն էին սիրում ասել, ըստ օդում կախված լուրերի՝ Աննա Հակոբյանը փաստացի վարչապետ է աշխատում։ Նա լուրջ ազդեցություն ունի կադրային հարցերում։ Ֆինանսական հարցերն էլ նրա ձեռքերում են։

Լավատեղյակները գիտեն, որ Նիկոլը «պադկաբլուչնիկ» է։ Աննան նրա շեֆն է։

Բայց հարց է առաջանում, թե ո՞վ է Աննա Հակոբյանը։ ՀՀ քաղաքացիները նրան ձայն չեն տվել։ Նա Նիկոլ Փաշինյանի կինը չէ։ Հետո ի՞նչ, որ միասին են ապրում կամ համատեղ երեխաներ են լույս աշխարհ բերել։ Ո՞վ է այդ կինը, որ պետական բյուջեի հաշվին «բռփեջից» դարձավ «բարձրաշխարհիկ» տիկին՝ դեմքի ու մարմնի տարատեսակ միջամտությունների օգնությամբ (թեև գեղցին մնում է գեղցի, ինչքան էլ փողերը շատանան կամ դեմքը, մարմինը բժշկական միջամտության ենթարկի)։

Նիկոլն ասում է, որ ինքը Հայ Առաքելական Եկեղեցու հետևորդ է։ Եթե դա այդպես է, ապա նրա կողակիցը իր հետ չի կարող կապ ունենալ, քանզի նրանք եկեղեցու միջոցով չեն ամուսնացել։ Հարցը եկեղեցու տեսանկյունից ունի բարոյական կողմ։ Եթե Աննան ու Նիկոլը եկեղեցու միջոցով չեն միավորել իրենց սրտերը, ապա դա նշանակում է, որ իրենց հարաբերություններն այլ բնույթի են։

Աշխարհիկ առումով հարցն իրավական հարթության վրա է։ Նիկոլն ու Աննան քաղաքացիական տարբերակով էլ ամուսնացած չեն։ Այլ կերպ ասած՝ զագսավորված չեն։ Այդ դեպքում հարց է առաջանում, թե ի՞նչ իրավունքով է Աննան մսխում պետական բյուջեի փողերը։ Նա ո՞վ է, որ պետության հաշվին փիառվում է և «հայհոյելը նորաձև է» ծրագրի շրջանակներում հարձակվում է այս կամ այն քաղաքացու վրա։

Մի ժամանակ Աննան ասում էր, որ արտասահմանյան շրջագայությունների է գնում Նիկոլի հետ, քանզի ինքնաթիռը միևնույն է թռչում է և հյուրանոցի համարը միևնույն է վճարված է։ Բայց դա դեմագոգիա էր։

Աննան ամբողջությամբ ծախսում է հարկատուներիս փողերը։ Ընդ որում՝ ինք զինքը ներկայացնելով որպես «առաջին տիկին»։ Իրականում ոչ տիկինն է, ո՛չ էլ առաջինն է։

Եվ ուրեմն, «ո՞ւմ փողերն է մսխում Աննա Հակոբյանը» հարցը հռետորական է, քանզի պատասխանը հայտնի է։ Մսխում է բոլորիս փողերը։ Հարկատուներիս փողերը։

Հայկ Ուսունց
7or.am