Ո՞ւր էին սահմանը հսկող զինծառայողները

Լրագրող Ոսկան Սարգսյանը նկատում է. «Գիշերը 05.05.25թ. լույս 06.06.25թ. ժամը 00:00-01:00 սահմաններում Արավուս գյուղի սահմանային հատվածի մոտ երկու հայ անչափահաս փորձել են գտնել և վերադարձնել իրենց ձին։ Որոնողական աշխատանքների ժամանակ թշնшմին նկատել է և գերեվարել նրանց, այնուհետև նստացերել մեքենան ու տարել անհայտ ուղղությամբ։: Բա ո՞ւր էին սահմանի այդ հատվածը հսկող հայ զինծառայողները, ինչո՞ւ չեն նկատել, կանխել տղաների գերեվարումը»։
Հարցերն առավել քան տեղին են: Մեր կողմից հավելենք ևս մեկ-երկու դիտարկում: Այն, որ թշնամին կարողանում է մեր քաղաքացիներին առևանգել, այն, որ մեր քաղաքացիները հայտնվում են թշնամական վերահսկողության տակ եղած տարածքում, հուշում է, որ սահմանապահության ծառայությունը կազմակերպված է խայտառակ վատ ձևով: Ավելին, դա նշանակում է, որ իշխանությունները (հանրապետական, տեղական, մարզային) խիստ անբավարար բացատրական աշխատանքներ են իրականացրել՝ Փաշինյանի ու ՔՊ-ի պատճառով համատարած սահմանամերձ դարձած բնակչության շրջանում: 

Սկզբունքորեն, եթե երկրի վարչապետի պաշտոնն զբաղեցնողը ու նրա ՔՊ-ական մանկլավիկները զբաղված են մեր ազգային եկեղեցու դեմ թշնամական արշավանքով ու զանազան պղծություններ շրջանառելով, այլ ոչ թե իրենց անմիջական պարտականություններով, պարզ է, որ թշնամին էլ կարողանալու է մեր երկրի քաղաքացիներին առևանգել: