Մինչ փաշինյանական իշխանությունները ճամարտակում էին Գյումրիում «չոր նավահանգիստ» կառուցելու մասին, վրացիները երեկ իրական քայլ կատարեցին

Փաշինյանը, իշխանության գալուց հետո, այնքան սուտ խոստումներ է տվել, որ արդեն բնական է դարձել՝ լսել իր ստերը, և հասկանալի է դարձել, որ այս իշխանությունն իրեն ամբողջովին սպառել է:

Կոնկրետ մի օրինակի արժե անրադատնալ, քանզի կա դրա պատրվակը:

Դեռ անհիշելի ժամանակներից խեղճ գյումրեցիներին խաբում էին, թե պիտի կառուցեն ազատ տնտեսական գոտի, տեխնոպարկ, որ պիտի, իբր, զարմացներ բոլորին: Իսկ վերջերս էլ այդ ստերին ավելացել էր «չոր նավահանգիստի» կառուցման գաղափարը:

Այս ամենը հիշեցինք, քանի որ անցած երկուշաբթի, Թբիլիսիում վրացական իշխանությունը իրականում կատարեց «չոր նավահանգստի» բացման արարողությունը:

Թբիլիսիի չոր նավահանգիստն  այդ քաղաքի  առաջին ժամանակակից երկաթուղային կոնտեյներային և բեռնատար տերմինալն է, որը կառուցվել է արաբական Abu Dhabi Ports Group ընկերության ներդրումներով:

Անցած երկուշաբթիից,  պաշտոնապես սկսեց  գործունեությունը՝ ստանալով ինչպես մաքսային գոտու թույլտվություն, այնպես էլ՝ Վրաստանի երկաթուղային գործակալությունից երկաթուղային ենթակառուցվածքների շահագործման և անվտանգության առաջին վկայականը: Նավահանգիստը ռազմավարական դիրք ունի՝ որպես Վրաստանի գլխավոր ծովային նավահանգիստների անբաժանելի մաս՝ Փոթիի և Բաթումիի, իսկ ապագայում՝ Անակլիայի համար, և կարևոր դեր կխաղա Կովկասի և Կենտրոնական Ասիայի տարածաշրջանի առևտրային հոսքերում:

«Նավահանգիստը ոչ միայն կծառայի վրացական նավահանգիստներին, այլև կծառայի որպես կոնտեյներային հանգույց և պահեստ՝ միջազգային նավագնացության ուղղությունների  համար։ Սա զգալիորեն կբարելավի կոնտեյներների մշակման և տեղափոխման գործողությունները, մասնավորապես՝ Չինաստանից և Հեռավոր Արևելքի Ասիայից Միջին միջանցքով տեղափոխվող բեռների համար», - նավահանգստի բացման ժամանակ ասել է Վրաստանի վարչապետ Իրակլի Կոբախիձեն։

Նրա խոսքով՝ «չոր նավահանգստի» ռազմավարական դիրքը կապահովի միջազգային մայրուղիներին ուղիղ մուտք, կապ՝ ազգային երկաթուղային ցանցին, մոտիկություն՝ Հայաստանի և Ադրբեջանի սահմաններին և Թբիլիսիի միջազգային օդանավակայանին՝ այն դարձնելով տարածաշրջանի ամենաարդյունավետ լոգիստիկ կենտրոններից մեկը։

Նշվում է, որ բոլոր երեք փուլերի իրականացումից հետո «չոր նավահանգիստը» կկարողանա տարեկան ընդունել 200-250 հազար կոնտեյներ ոչ միայն Փոթիից և Բաթումից, այլև՝ Կենտրոնական Ասիայից եկող բեռներ, որոնք կպահեստավորվեն, ապա կվերաբեռնվեն կոնտեյներների մեջ Թբիլիսիի «չոր նավահանգստում», ապա կտեղափոխվեն Բաթումիի, Փոթիի և ապագայում՝ Անակլիա նավահանգիստներ:

Abu Dhabi Ports Group-ին է պատկանում  այդ տերմինալի  բաժնետոմսերի 60-ը:

Այսպիսով, Վրաստանը կատարեց լուրջ քայլ, դառնալու համար տարածաշրջանի գլխավոր խաղացողը:

Իսկ Հայաստանում շարունակվում է բամբասանքային քաղաքականությունը, թելադրված  իշխանությունների կողմից, տարբեր խնդիրների շուրջ, որը ցույց է տալիս Հայաստանի քաղաքական դասի դատարկության աստիճանը:

Այդպես  հին  ժամանակներում մենք կորցրինք մեր պետականությունը, և նույն վտանգը կախված է նաև մեր օրերում:

Սա է իրականությունը:

Արտակ Հակոբյան
Zham.am