Արձանագրվեց առաջին ռուս-թուրքական զինված բախումը Սիրիայում (Տեսանյութ, ֆոտոշարք)

Այսօր գիշերը արձանագրվեց առաջին ռուս-թուրքական բախումը Սիրիայում, երբ թուրքական զինուժը փորձել է ընդլայնել իր ներխուժման ծրագիրը Սիրիայի հյուսիսում: Մասնավորապես երբ թուրքական զինուժը փորձել է ներխուժել Հալեպի նահանգ , հայտնվել է սիրիական զորքերի և ռուսական կործանիչների թիրախում:

Կարճ ժամանակ անց թուրքերը հեռացել են այդ ուղությունից զգալով , որ կարող են լուրջ ճգնաժամ առաջացնել ռուս-թուրքական հարաբերություններում:

Հիշեցնենք, որ հունվարի 21-ին Թուրքիան երկու կողմից սկսել է տանկեր և հատուկ նշանակության ստորաբաժանումներ մտցնել Սիրիայի քրդերի վերահսկած Աֆրինի շրջան։ Առայժմ ցամաքային հիմնական ուժը կազմում են Թուրքիայի վերահսկած զինյալ խմբավորումների ուժերը։

Թուքիայի վարչապետ Բինալի Յըլդըրըմը հայտարարում է, որ գործողությունը լինելու է 4 փուլով, որի վերջնական նպատակը Աֆրինում 30 կմ խորությամբ «անվտանգության գոտու» ձևավոումն է։

Թուրքական պետական «Անադոլու» գործակալության տվյալներով՝ «Ձիթենու ճյուղ» կոչվող ռազմագործողության երկրորդ օրում՝ հունվարի 21-ին, Թուրքիայի զինուժը շարունակում է օդային հարվածներ հասցնել Աֆրինում քրդերի դիրքերին, իսկ արդեն Աֆրինի տարածք ներխուժել են «Սիրիայի ազատ բանակ» կոչվող զինյալ խմբավորման անդամները։

Ռուսներն ու ամերիկացիները դեմ չեն քրդերի ինքնավարությանը, սակայն դրան դեմ է Ասադի ռեժիմը և հատկապես Թուրքիան, հասկանալի պատճառներով: Միաժամանակ , թե Մոսկվան, և թե Վաշինգտոնը ուզում են իրենց հարաբերությունները չփչացնեն Անկարայի հետ, միաժամանակ սիրաշահելով նաև քրդերին:

Zham.am