Արեգակնային ժայթքման հետևանքով դեպի Երկիր է շարժվում տարվա արեգակնային նյութի ամենամեծ ամպը

Մայիսի 31-ի առավոտյան Արեգակի վրա գրանցվել է M8.2 մակարդակի հզոր արեգակնային բռնկում, որը տեղի է ունեցել Երևանի ժամանակով ժամը 04:05-ին, թիվ 4100 ակտիվ շրջանում՝ Արեգակի տեսանելի սկավառակի գրեթե կենտրոնում։ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը մանրամասնում է, որ այս իրադարձությունը ուղիղ համընկնում է Արեգակ–Երկիր գծի հետ, ինչն ապահովում է, որ ժայթքված նյութը կհասնի մեր մոլորակին՝ շրջանցելու հնարավորությունն ամբողջությամբ բացառելով։

Նախնական գնահատականներով՝ այս ժայթքումը կարող է առաջացնել մինչև G4 մակարդակի մագնիսական փոթորիկներ։

G5 փոթորկի հավանականությունը գնահատվում է մոտ 2%։

Մոդելային տվյալները վկայում են, որ արեգակնային պլազման կհասնի Երկիր արդեն հունիսի 1-ին, ուշ երեկոյան։

Առողջապահական զգուշացում

Բժիշկները զգուշացնում են, որ մագնիսական փոթորիկների ժամանակ կարող են սրվել եղանակի նկատմամբ զգայուն անձանց խնդիրները։

. Ռիսկի խմբում են՝

50 տարեկանից բարձր անձինք

Սրտային հիվանդություններ ունեցողները

Բարձր արյան ճնշում կամ շաքարախտ ունեցողները

Խորհուրդ է տրվում՝

Խմել շատ ջուր

Խուսափել սթրեսից և քնի պակասից

Սահմանափակել աղի և ալկոհոլի օգտագործումը

Հնարավորության դեպքում՝ նվազեցնել ֆիզիկական և մտավոր ծանրաբեռնվածությունը:

Աղբյուրը` Panorama.am