Ոմանք, Նիկոլին տեսնելով, սկսեցին հավատալ Հիսուսի գոյությանը, իսկ ես՝ սատանայի. Արթուր Սուքոյան

Պատգամավոր Լևոն Քոչարյանի օգնական Արթուր Սուքոյանի ֆեյսբուքյան գրառումը․

«Ոմանք, Նիկոլին տեսնելով, սկսեցին հավատալ Հիսուսի գոյությանը, իսկ ես՝ սատանայի։
Նրա պղծությունը վաղուց դուրս է եկել մարդկային չափման սահմաններից։ Նրա մտքերում չկա սխալ կամ մոլորություն, որը կարելի է ուղղել. նրա մտքերը պետք է պարզապես վառել, ոչնչացնել և տալ քամուն։ Սա գոյաբանական շեղում է՝ արժեքների և բնության դեմ ուղղված խեղում, որը ոչ միայն սրում է մեզ շրջապատող ծանր իրականությունը, այլև աղարտում է մարդկանց պատկերացումները բարիքի և մարդկայնության մասին։ Նա թունավորում է ոչ թե միայն քաղաքականությունն ու պետականությունը, այլ նաև ժողովրդի հոգևոր հյուսվածքը։ Այնտեղ, որտեղ պետք է լիներ խոնարհություն, նա արևմուտքից ներմուծում և տարածում է կեղտ ու ծաղրանք։
Մի խոսքով՝ անհամբեր սպասում եմ Հայ Առաքելական Սուրբ Եկեղեցու արձագանքին։
Հ.Գ.
Մի տարբերակ կա, որտեղ Նիկոլը կարող է իրեն նույնիսկ ճիշտ զգալ, որ «եկեղեցին դարձրել են չուլան, կեղտոտ, հին շորեր, կոշիկներ պահելու համար…»։ Եթե խոսքը գնում է իր կողմից թշնամուն հանձնած բազմաթիվ եկեղեցիներին, ապա այո, ճիշտ է՝ ադրբեջանցիները չուլան էլ չէ, գոմ էլ կսարքեն, եթե ուղղակի չքանդեն»։