Եթե Սահմանադրական դատարանը որոշի, որ խաղաղության պայմանագիրը չի համապատասխանում մեր Սահմանադրությանը, ես կնախաձեռնեմ սահմանադրական փոփոխություններ. Նիկոլ Փաշինյան

Եթե Սահմանադրական դատարանը որոշի, որ խաղաղության պայմանագիրը չի համապատասխանում մեր Սահմանադրությանը, այդ դեպքում ես կնախաձեռնեմ սահմանադրական փոփոխություններ, «Երևանյան երկխոսություն» երկրորդ միջազգային ֆորումի ժամանակ, ինչպես հաղորդում է Aysor.am-ը, հայտարարել է Նիկոլ Փաշինյանը։

«Խաղաղության գործընթացն ու խաղաղության պայմանագիրը չպետք է բաց թողնվեն»,- ասաց նա։

Փաշինյանը նշեց, թե հասարակությանը կհամոզեն, որ այդ փոփոխությունն արվի, որպեսզի Հայաստանը հասնի տևական խաղաղության։

«Բայց, եթե ՍԴ-ն որոշի, որ պայմանագիրն ամբողջովին համապատասխանում է ՀՀ սահմանադրությանը, ապա, այդ պարագայում որևէ խոչընդոտ չի լինի փաստաթուղթն Ազգային ժողով ուղարկելու ճանապարհին»,- նշեց վարչապետը։
---
Մեր կողմից նկատենք, որ Փաշինյանը նորից «համաձայնագրի» փոխարեն գործածում է «պայմանագիր» բառը: Երկրորդ, զարմանալի է, որ ԱԺ-ում գոռգոռալու տարբերակով, նա չի ասել, որ եթե ՍԴ-ն այդպես որոշի, ապա Սահմանադրական դատարանի բոլոր անդամներին «ԱԱԾ պադվալները կնետի»: 
Կարճ ասած, ըստ Փաշինյանի, «խաղաղության» այդ թղթի կտորը օրենքից, ամեն ինչից վեր մի բան է: Իր, իր իշխանությունը ամեն գնով պահելու համար՝ այո, բայց մե՞զ դրանից ինչ: Վերջիվերջո, այդ «խաղաղույթյան պայմանագիրը» ոչ թե  խաղաղության մասին է, այլ՝ Հայաստանի պետականության լուծարման ու երկիրը թուրքերով լցնելու: