Մեսիջը հստակ է, հայ ժողովուրդն ունի երկընտրանք՝ գնալ գերեզման կամ թույլ տալ պաշտպանել (տեսանյութ)
Քաղաքագետ Երվանդ Բոզոյանի հարցազրույցը «Փաստինֆո»-ին:
Մեր տարածաշրջանում՝ Միջին Արևելքում, մեծ մերձավոր Արևելքում տեղի ունեցող իրադարձությունները վկայում են այն մասին, որ Ադրբեջանը պատրաստվում է լայնամասշտաբ կլանելու քաղաքականություն վարել Հայաստանի նկատմամբ։ Այս մասին «Փաստինֆո»-ի տաղավարում ասաց քաղաքագետ Երվանդ Բոզոյանը։
«Դրա վառ ապացույցն այն է, որ Անկարայում կոնֆերանսի ժամանակ Ալիևը նշեց, որ խաղաղության նախապայմաններից մեկն էլ այն է, որ ադրբեջանցիները պետք է վերադառնան Հայաստան։ Ալիևը Հայաստանի նկատմամբ տարածքային պահանջ չունի, նա ամբողջ Հայաստանի հանդեպ պահանջ ունի և կգրավի, եթե այս վիճակում մնանք։ Եթե մեր ժողովուրդը, քաղաքական, վերնախավը մնա այս վիճակում՝ դատապարտված ենք լինելու դառնալ կերակուր Ադրբեջանի համար, որովհետև մի ժողովուրդ, եթե չի տեսնում ինչ վտանգներ կան իր առաջ, չի կարող գոյատևել, դրա վկայությունը 100 տարի առաջ հայոց ցեղասպանությունն է, մի տարբերություն կա՝ այն ժամանակ չունեինք պետականություն, իսկ հիմա ունենք պետականություն, բայց այդ պարագայում էլ մենք կորցրեցինք «Արցախը, հիմա պատրաստվում ենք կորցնել ամբողջ Հայաստանը», - ասաց քաղաքագետը։
Մանրամասները՝ տեսանյութում։
Հետևեք մեզ Facebook-ում