Մեր պետության մեջ կա գաղտնի պետություն, որը գումար է ստանում արտերկրից ․ Խաչիկյան (Տեսանյութ)

Այսօր էլ Հայաստանը 5․5 մլն դոլար է ստացել Եվրոպայից։ Այսինքն, մեր պետության մեջ կա մեկ ուրիշ պետություն, որը արտասահմանից գումար է ստանում՝ «ժողովրդի ուղեղը լվանալու» համար։ Այս պայմաններում Ս․ Լավրովը եկել է ասելու, որ Հայաստանի իշխանությունները ընտրեն իրենց կողմը, իսկ եթե այսպես շարունակեն՝ բացատրելու դրա հետևանքները։  «ՓաստԻնֆոյի» եթերում ասել է քաղաքագետ, Սթենֆորդի համալսարանի դոկտոր Արթուր Խաչիկյանը։
Ըստ բանախոսի, Հայաստանի իշխանությունները մի օր Իրանից են Հայաստան մարդ բերում, մի օր՝ Ռուսաստանից, հետո վազում են Տալլին՝ իրենց ոխերիմ թշնամու մոտ և հանդիպում Անգլիայի հետախուզության պետի հետ։ Իրանը ինչպե՞ս կարող է իրենց վստահել։ Իսրայելի լոբբին դրդում է, որպեսզի ԱՄՆ-ն հարձակվի Իրանի վրա, իսկ Արևմուտքը իրեն սպառել է։

Անդրադառնալով ռուս-ուկրաինական բանակցություններին, փորձագետը նշում է, որ Եվրոպան Ուկրաինային դրդում է, որպեսզի զիջումների չգնա։ Ուկրաինացիների համար դժվար է լինելու զիջել այս 4 շրջանը, Ռուսաստանն էլ հետ չի քաշվի։ Նկատենք, երբ Ադրբեջանն էր խախտում զինադադարը՝ Եվրոպան անգամ նկատողություն չարեց, իսկ հիմա սպառնում է Ռուսաստանին։ Ռուսաստանը չի կարող Վ․ Զելենսկիի հետ խաղաղության պայմանագիր կնքել, քանի որ նա ընտրված նախագահ չէ։ Պատերազմը շարունակվելու է՝ մինչև ռազմական բեկում լինի։ Ռուսները հասկանում են, որ հենց այս պատերազմը կանգնի՝ ճակատի արևելյան մասու՝մ ինչ-որ մնա Ուկրաինայի կազմում՝ ռազմական բազայի է վերածվելու։

Անդրադառնալով Հայաստանին` բանախոսը նշում է, որ մեր, այսպես կոչված վերնախավի մի մասը, կրթություն է ստանում Արևմուտքում և մենք մեզ դաստիարակում ենք որպես աքսորված եվրոպացիներ։ Այսինքն, մենք եվրոպացի ենք, սակայն պատահաբար թուրքերը հայտնվեցին մեր կողքին, իսկ մեր իսկական ընտանիքը Արևմուտքն է։ 

«Նոր պայմանագիր են կնքել Հնդկաստանի և Ֆրանսիայի հետ, սակայն Հնդկաստանի զինամթերքները հենց Պակիստանի հետ պատերազմում իրենց լավ չդրսևորեցին, ֆրանսիական ինքնաթիռները հեշտությամբ խոցվեցին Պակիստանի կողմից, իսկ Պակիստանը ձեռք էր բերել չինական հրթիռներ։ Հիմա մենք ռեալ ի՞նչ ենք ստանալու Ֆրանսիայից՝ ըստ նոր պայմանագրի»,- ասել է Ա․ Խաչիկյանը։

Մանրամասները՝ տեսանյութում։